Интернет челтәрендә “Тәхетләр уены” (“Игра престолов”) сериалының татарча трейлеры тарала башлады. Популяр сериалның яңа сезонын Казанның “Беренче studio” такымы тәрҗемә итәргә җыена.
YouTube видеохостингында студиянең рәсми каналында “Тәхетләр уены”ның ике трейлеры эленгән. Аларның берсен өч атна эчендә 150 генә кеше караса, кичә урнаштырылган трейлер 5 меңгә якын карау җыйган.
“Тәхетләр уены” – Джордж Мартинның “Боз һәм Ут җыры” романына нигезләнеп төшерелгән фэнтэзи жанрындагы америка телесериалы.
