Уфаның Сипайлово бистәсендәге бердәнбер мәчетнең имамы һәм аны үз исәбенә салдыртучы Хәмзә хәзрәт әйтүенчә, хокук саклау органнары әлеге мәчет канунны бозып салынган дип баралар, ә мәчетне хезмәтләндерү өчен төзелгән өстәмә корылмаларны кичекмәстән җимереп ташлауны таләп итәләр.
Хәмзә хажи Гәлләмов 1 июль иртән үк килеп, көч структуралары вәкилләре килеп янә ул корылма-биналарны өч көн эчендә җимереп ташларга әмер биргәннәр. Хәмзә хаҗи: ике мәхкәмә приставы һәм ике милиция хезмәткәре иртүк килеп мине беркая да чыгармыйча тоттылар, телефоннан да шылтыратуны тыйдылар, ди.
Хәмзә хәзрәт мәчетне саклауда Уфадагы ике мөфтидән дә файда-ярдәм юк ди. Башкортстан президентына да өмете юк икән. Бар ышаныч, ди ул, мәхәллә мөселманнарында.
Җимерү техникалары белән килгән көч структуралары белән мәчеткә йөрүче мөселманнар арасында ызгыш-бәрелешләр булырмы – әлегә билгесез.
Хәмзә хәзрәт мәчетне саклауда Уфадагы ике мөфтидән дә файда-ярдәм юк ди. Башкортстан президентына да өмете юк икән. Бар ышаныч, ди ул, мәхәллә мөселманнарында.
Җимерү техникалары белән килгән көч структуралары белән мәчеткә йөрүче мөселманнар арасында ызгыш-бәрелешләр булырмы – әлегә билгесез.
