16 сентябрьдә Кырым аннексиясенә ярты ел булды. Алты ай элек Акмәчет Русия хәрбиләре белән тулы булганда җирле үзбилгеләнгән хакимият бәйсезлек референдумы уздырды. Аны күпчелек Көнбатыш илләре танымады.
Ярты ел эчендә ярымутрауда тормыш кайсы якка үзгәрде? Моны белешер өчен Азатлык хәбәрчеләре 16 сентябрьдә Кырымга килде. Ләкин килеп төшкәч берничә сәгать узганнан соң Кырымтатар мәҗлесе бинасында тентүләр уза дигән хәбәр килде. Хәбәрчеләр вакыйга урынында булды һәм көч структураларының нәрсә эзләгәнен белешергә тырышты. Тентүләр турында тулырак әлеге видеорепортажда карагыз.
