Лондон мэры Садыйк Хан: Быелгы Ураза гаете Трафалгар мәйданында бәйрәм ителәчәк (инглизчә)
Быел тарихта беренче тапкыр Лондон башлыгы итеп мөселман һәм милли азчылык вәкиле сайланды. Садыйк Аман Хан Лондонда Пакстан чыгышлы эшчеләр гаиләсендә туып үскән. Хокукчы белгечлеген алган, озак еллар дәвамында юрист булып хезмәт иткән. Балалар бакчасыннан ук сәясәт белән кызыксынган, Лейбористлар фиркасенә ул 15 яшендә кабул ителгән иде. Гаиләсендә Исламга хөрмәт бик нык тәрбияләнгән.
Halal Guide проекты авторларыннан яңа Ифтар.рф сайты эшли башлады
Ифтар.рф сәхифәсендә Русиянең 19 шәһәрендә ифтар оештырылган урыннарны табып була. Шулай ук анда ураза тотуның дүрт шарты һәм рамазан яңалыклары белән танышып була. Halal Guide 2012 елдан бирле эшли.
Кырымда "Безнең балалар" исемле иҗтимагый оешма рамазан аенда ярдәм җыя
Кырымда хөкем карарын көтеп изоляторларда тотылган 18 кешенең 17се - кырымтатарлар. Аларның барысының да өйләрендә кечкенә һәм үсмер балалары калды. Бер төркем активистлар ул балаларны кайгыртуны үз өсләренә алды.
"Тоткындагы кырымтатар мөселманнарының балалары - безнең балалар. Алар үскәч милләтне әти-әнисен кебек хөрмәт итәчәк", диелгән оештыручылар белдерүендә.
Төркиядә чәчтарашта: ураза тот
Мәҗлесне әзерләгән кеше уразада булса, ризыкны кабып карый аламы?
Ярты литр сөткә куелган камырдан ничә пәрәмәч чыга? Ульян өлкәсе Сабакай авылында ифтарлар шулай уза.
Мароккода телефон әсбабыннан имамнарга бәя биреп була
Кемдер уразаны яшерә, башкасы бу турыда сөйли... Кайсысы дөрес икән?
Кызлар ифтары
Рамазан ул ай буена сузылган бәйрәм, ял. Аның 1/3 өлеше сизелмичә узып та китте.
Көн саен диярлек дуслар, туганнарга авыз ачарга бару, җәмәгатьчелек белән бергә ифтарлау – Казанда да, Татарстанның башка шәһәрләрендә дә матур гадәткә әверелде. Кичә дә дус кыз ифтарга дәште. Дубайга килерсез диде.
Шушы ук кичәгә барырга тиешле кунак миңа хат юллый:
– Дубай кайда ул?
– Берләшкән гарәп әмирлекләрендәге шәһәр!
Имеш, география фәненнән белемнәрем белән уртаклашам. Баксаң, ул ресторанны сорый икән.
Кызлар ифтарына җыелганнарның күбесе – гаиләле, арабызда яшь әниләр дә бар. Гаиләсеннән аерыла алмаганга очраша алган юк, кемдер эш кешесе. Шулай да дустыбыз Лилия бер көнгә булса да бөтенебезне бер табынга җыйды. Бик озакка да түгел – 2-3 сәгатькә генә. Кызлар җыелган җирдә күңелле була: уен-көлке, елмаюлар, куанычлы очрашулар, серләшүләр... Бик якын булып та, ел буе күрешмәгән дусларың белән кич утыру, хәл-әһвәл сорашу – кадерле мизгелләр.
Очрашу урыныбыз әле сыналмаган, барыбыз да бирегә беренче тапкыр килде. Ресторан махсус ифтар менюсын булдырган. Рамазан хөрмәтенә спиртлы эчемлекләр сатудан да алынган. Шөкер, бер ай дәвамында булса да хәмердән тыелып торалар икән!
Менюга килгәндә, ул көн саен төрлеләнә. Без авыз ачу мәҗлесендә грек салаты, токмачлы тавык шулпасы, итле пылау белән сыйландык. Пылауны Мәгриб пешекчеләре рецепты белән ясадык, дип аңлаттылар. Үзенчәлеге шунда: аңа хуш исле үләннәр, кыздырылган чикләвекләр салалар. Искитмәле! Татлы, пәхләвәләр белән чәе дә искиткеч тәмле булды! Матур гарәп музыкасы күңелләрне җилкендерә. Ә менә ниләр турында серләшкәнне әйтмим. Икенче елга да шулай җыелырга сүз куештык.
Эльза Нәбиуллина, Казан