Salawatnıñ Tömän ölkäsenä säfäre toz häm şikär bäyäläreneñ qotırıp artuına turı kilde. Tömän filarmoniäse binasında bulaçaq konsertqa biletlar satılğanda şikär qomınıñ xaqı 45 sumğa qädär kütärelde. Şulay buluğa qaramastan tamaşağa 10 kön qala uq inde, moña qädär andıy xälneñ bulğanı yuq ide, 1200 bilet satılıp ta bette. Konsert başlanırğa ber säğät qala Tömän şähäreneñ iñ zur konsertlar sarayı yanına artıq bilet sorawçılar da xäyran ğına cıyılğan ide.
Salavat filarmoniäne tutırıp kilgän öçen 1200 tamaşaçığa räxmät äytte. Bu anıñ Tömän ölkäsenä bıyılğı säfärendäge soñğı noqtası ide. Tömänlelär aldında ul: Aldağı 3-4 yıl eçendä tön'yak şähärlärdä yäşäwçelär yanına barmayaçaqmın”,- dip äytte. Baqsañ, biletlar naçar satılğan ikän. Salawatnıñ säxnädän cırçı Xämdünä Timerğalieva süzlärenä tayanıp äytüençä, “bitqom anşlağ” bulmağan. Surğut, Tübän Warta, Langepas, Urengoylar kötep utırsın, ä ul kiläse yılğa Tömän aşa Omski, Novosibirskiy, Tomskiğa kitäçäk. Bu yaña turnesın oyıştırırğa aña Tömändäge soñğı konsertınıñ ximayäçese bulğan “Tyumen'agromaş”nıñ general' direktorı Raif Möxämmätcanov yärdäm tiergä wäğdä itkän. Bu yulı isä Raif äfände Tömän filarmoniäseneñ arenda bäyäsen: 80 meñ sumnı tüläde. Konsert betkändä Salawat törkemen küñelsez xäl kötep torğan. Bayançısı Al'fred Yakşimbetovnıñ ös alıştıru bülmäsendä qaldırğan kostyum kesäsennän 50 meñ sum aqçasın urlağannar. Bu xälne belep yarsığan cırçı, anı Tobol-Tömän arasında maşinada yörtkän Bulat äytüençä, tozlap-borıçlap: “Üzebezneñ törkemdägelärneñ genä eşe. Qaytqaç çistartu ütkäräm, yartısın eştän quam”,- digän.
Nail Alan,Tömän
