Киндери мәчете имамы: "Мөселманнар мәчетләрнең ачылуын көтә"

Тәмамланып килүче Рамазан аенда пандемия сәбәпле быел мөселманнар мәчетләргә йөри алмады. Казанның Киндери бистәсе мәчете дә ураза аенда ябык булды. Мәчет имамы Марат Вәлиуллин Азатлыкка мөселманнарның мәчетләр ачылуын зарыгып көтүе турында сөйләде. Быел Татарстанда Ураза гаете дә онлайн узачак.