14 yül könne tatar-inform agentlığında 2 qızıqlı kitapnı täqdim ittelär. Alar ikese dä Mäğärif näşriätendä dönya kürgän häm kompyuter, internet, zamança texnologiälärgä bağışlanğan. Kitapnıñ berse – İnformatika häm mäğlümät texnologiäläre terminnarı dip atala. Anda älege tarmaqta qullanıla torğan 7500 termin häm törle säxifälär isemlege birelgän. İkençe kitap isä – Virtual’ dönya dip atala.
Virtual’ dönya kitabı Mäğärif näşriätendä Malaylarğa, qızlarğa şälkemendä basılıp çıqqan. Yaña ğına dönya kürgän älege basma bik matur, räsemle itep eşlängän, monda kompyuter, anıñ cihazları, internet, virtual’ aralaşu turında tulı, täfsille mäğlümät alıp bula. Şunısı da möhim, kitap bik ciñel, añlayışlı tel belän yazılğan. Şulay uq basmanıñ här bitendä diärlek, tatar telle, tatar dönyasına qağılışlı säxifälär iseme dä birelgän. Kitapnıñ avtorları – Danil Säfärov häm Läysän Xafizova.
Gölnaz İlgizär