--------------------------------------------------------------------------------------------
►Qazan Kirmänen qotqarıp bulamı?
“Vsemirnıy sledopıt” jurnalı ütkärä torğan Rusiäneñ 7 moğcizası bäygesenä 7 yüldä yomğaq yasala. Qazan Kirmäne berençe cidelekkä ütsä, Rusiäneñ yaña säyäxät yulına keräçäk.
Näq şundıy uq isemdäge “Rusiäneñ 7 moğcizası” dip atalğan tağın ber bäygeneñ ikençe turı tögällände. Xäbär itkän idek, Raifa monastıre da, Qol Şärif Mäçete dä, Söyembikä manarası da citärlek tawış cıya almıyça, bu bäygedän töşep qaldı.
Bügenge köndä Rusiädäge 21 tarixi urın arasında yarış bara. Qol Şärif mäçete häm Blagoveşçenie çirkäwe urnaşqan Qazan Kirmäne bäygedä älegä 11-nçe basqıçta tora. Küptän tügel genä 14 ide. Ministrlıq wäkilläre alğa omtılış tuqtalmas digän ömettä.
--------------------------------------------------------------------------------------------
►5nçe may nindi bäyräm ul?
7 distä yıl buı Sovet matbuğatı köne bilgeläp ütelsä dä, soñğı 10 yılda ul onıtıldı diärlek. Tatarstan jurnalistları üz könnären - 19 maynı kötep ala
5 may - bolşeviklar häm firqa matbuğatı köne bularaq bilgeläp ütelgän. Tarixi çığanaqlarğa qarağanda, 1912 yılnıñ 5nçe mayında “Pravda” gazetasınıñ berençe sanı çıqqan bulğan, şuña bağışlap, xezmät iälären berençe häm iñ möhim gazetası tiräsendä tuplaw maqsatınnan Sovet matbuğatı köne bilgeläp ütelä başlağan.
Bügen Tatarstanda 5 may – Sovet mabuğatı könen iskä aluçılar bulmadı diärlek. Barı “Yaña ğasır” häm “Tatar radiosı" ğına, şul çordağı 7 may, radio-televidenie xezmätkärläre könen bilgeläp ütärgä cıyına. Bauman uramında üzlären tanıtu çaraların ütkärä.
Başqa gazeta möxärrläre dä, 5 may Sovet matbuğatı köne onıtıla bara, üzebezneñ 19 maynı bäyräm itärgä cıyınabız, dip cawap birde. Jurnalistlarğa bäyle tağın küp sanlı bäyrämnär bar, süz irege, xalıqara qäläm iyäläreneñ teläktäşlek köne, matbuğat irege köne häm başqalar. Aları Tatarstanda ällä ni zurlap ütkärelmi, söñğı andıy kön, 3 may - Böten dönya matbuğat irege köne dä kürenmi genä ütep kitte.
--------------------------------------------------------------------------------------------
►Peterburda “Şüräle” baletın quyarlarmı?
Yäkşämbe könne Qazannıñ Salix Säydäşev isemendäge Zur konsert zalında VII Mäskäw Pasxa festivale qısalarında konsert uzdı.
Monda Mariin teatrınıñ Valeriy Gergiev citäkçelegendäge simfonik orkestrı çığış yasadı. Bu çarada Tatarstan prezidentı Miñtimer Şäymiev, mädäniät ministrı Zilä Wäliewa da qatnaştı. Tamaşada Tatarstan prezidentı Waleriy Gergievqa istälekle büläklär dä tapşırdı.
Ike yaqlı söyläşü näticäsendä Mariin teatrı säxnäsendä Färit Yarullinnıñ “Şüräle” baletı da kürsäteler dip kötelä.
--------------------------------------------------------------------------------------------
►Amerikadan kilgän büläk yazmışı
Rusiä tamojnyası tatar sportçısı bülägen kire qaqqan. Ni öçen?
Firaya Soltanova-Jdanova Aqtanış rayonında tuıp üskän. Törle arağa yögerü buyınça Tatarstannıñ häm Rusiäneñ atqazanğan sport masterı ul. Äle 1996 yılda uq Atlantada olimpiä uyınnarında qatnaşa. Firaya xäzer dä safta - ike atna elek kenä AQŞta marofon yarışında ciñde.
Sporttağı uñışları öçen Firayağa Çallınıñ maqtawlı grajdanı iseme birelä, xakimiat aña fatir büläk itä. İre Viktor belän yılnıñ ber öleşen Amerikada yäşi. Şunnan torıp Çallığa büläk tä cibärgännär. Läkin alarnıñ bülägen Çallı tamojnyası ütkärmi. Menä uzğan yılnıñ oqtyabrennän birle ike arada tartış bara. Amerikadan büläk Gennadiy Panin isemenä kilä. Bu xälgä añlatmanı Azatlıqqa Panin birde:
“Waqıyğa bik kölkele buldı. Uzğan yıl Tatarstanda Xäyriä yılı uzğan ide bit. Firaya Soltanova Çallı başqarma komitetı räise V.Şayxrazievqa räxmät yözennän büläklär cibärde. Annan alda Şayxraziev Firayağa sporttağı uñışları öçen fatir büläk itkän ide. Älege büläk krossovqalarnı Firaya Amerikada üz aqçasına satıp aldı. Alarnı minem arqılı sport mäktäbenä birergä teläde. Min “Çallı” sport mäktäbendä trener bulıp eşlim. Bu 30 par krossovka balalarğa bik kiräk ide. Läkin tovarnı Çallı tamojnyası totqarladı. Bu – kommersia maqsatlarında qullanıla torğan tovar, didelär. Şuşı äyber öçen min poşlina tülärgä tieş buldım. Küpme yörsäm dä, tovardan baş tartırğa täqdim ittelär. Büläkne 200 dollar dip bäyälädelär. Bu ayaq kiemnäre kielgän, pıçraq bulsa, bezneñ ilgä kerer ide. Yaña bulğaç, balalarğa zıyan kiterä, didelär. Törgäkne minnän alğaç, 20 mart könne anı yandırabız, didelär. Miña 1500 sum ştraf saldılar. Yuğıysä, krossovqanıñ sälämätlek öçen zıyanı yuq ide.”
Şulay itep Firayanıñ izge niäten federallar, kürengänçä, däwlätkä qarşı eş bularaq qabul itkän bulıp çığa.
►Qazan Kirmänen qotqarıp bulamı?
“Vsemirnıy sledopıt” jurnalı ütkärä torğan Rusiäneñ 7 moğcizası bäygesenä 7 yüldä yomğaq yasala. Qazan Kirmäne berençe cidelekkä ütsä, Rusiäneñ yaña säyäxät yulına keräçäk.
Näq şundıy uq isemdäge “Rusiäneñ 7 moğcizası” dip atalğan tağın ber bäygeneñ ikençe turı tögällände. Xäbär itkän idek, Raifa monastıre da, Qol Şärif Mäçete dä, Söyembikä manarası da citärlek tawış cıya almıyça, bu bäygedän töşep qaldı.
Bügenge köndä Rusiädäge 21 tarixi urın arasında yarış bara. Qol Şärif mäçete häm Blagoveşçenie çirkäwe urnaşqan Qazan Kirmäne bäygedä älegä 11-nçe basqıçta tora. Küptän tügel genä 14 ide. Ministrlıq wäkilläre alğa omtılış tuqtalmas digän ömettä.
--------------------------------------------------------------------------------------------
►5nçe may nindi bäyräm ul?
7 distä yıl buı Sovet matbuğatı köne bilgeläp ütelsä dä, soñğı 10 yılda ul onıtıldı diärlek. Tatarstan jurnalistları üz könnären - 19 maynı kötep ala
5 may - bolşeviklar häm firqa matbuğatı köne bularaq bilgeläp ütelgän. Tarixi çığanaqlarğa qarağanda, 1912 yılnıñ 5nçe mayında “Pravda” gazetasınıñ berençe sanı çıqqan bulğan, şuña bağışlap, xezmät iälären berençe häm iñ möhim gazetası tiräsendä tuplaw maqsatınnan Sovet matbuğatı köne bilgeläp ütelä başlağan.
Bügen Tatarstanda 5 may – Sovet mabuğatı könen iskä aluçılar bulmadı diärlek. Barı “Yaña ğasır” häm “Tatar radiosı" ğına, şul çordağı 7 may, radio-televidenie xezmätkärläre könen bilgeläp ütärgä cıyına. Bauman uramında üzlären tanıtu çaraların ütkärä.
Başqa gazeta möxärrläre dä, 5 may Sovet matbuğatı köne onıtıla bara, üzebezneñ 19 maynı bäyräm itärgä cıyınabız, dip cawap birde. Jurnalistlarğa bäyle tağın küp sanlı bäyrämnär bar, süz irege, xalıqara qäläm iyäläreneñ teläktäşlek köne, matbuğat irege köne häm başqalar. Aları Tatarstanda ällä ni zurlap ütkärelmi, söñğı andıy kön, 3 may - Böten dönya matbuğat irege köne dä kürenmi genä ütep kitte.
--------------------------------------------------------------------------------------------
►Peterburda “Şüräle” baletın quyarlarmı?
Yäkşämbe könne Qazannıñ Salix Säydäşev isemendäge Zur konsert zalında VII Mäskäw Pasxa festivale qısalarında konsert uzdı.
Monda Mariin teatrınıñ Valeriy Gergiev citäkçelegendäge simfonik orkestrı çığış yasadı. Bu çarada Tatarstan prezidentı Miñtimer Şäymiev, mädäniät ministrı Zilä Wäliewa da qatnaştı. Tamaşada Tatarstan prezidentı Waleriy Gergievqa istälekle büläklär dä tapşırdı.
Ike yaqlı söyläşü näticäsendä Mariin teatrı säxnäsendä Färit Yarullinnıñ “Şüräle” baletı da kürsäteler dip kötelä.
--------------------------------------------------------------------------------------------
►Amerikadan kilgän büläk yazmışı
Rusiä tamojnyası tatar sportçısı bülägen kire qaqqan. Ni öçen?
Firaya Soltanova-Jdanova Aqtanış rayonında tuıp üskän. Törle arağa yögerü buyınça Tatarstannıñ häm Rusiäneñ atqazanğan sport masterı ul. Äle 1996 yılda uq Atlantada olimpiä uyınnarında qatnaşa. Firaya xäzer dä safta - ike atna elek kenä AQŞta marofon yarışında ciñde.
Sporttağı uñışları öçen Firayağa Çallınıñ maqtawlı grajdanı iseme birelä, xakimiat aña fatir büläk itä. İre Viktor belän yılnıñ ber öleşen Amerikada yäşi. Şunnan torıp Çallığa büläk tä cibärgännär. Läkin alarnıñ bülägen Çallı tamojnyası ütkärmi. Menä uzğan yılnıñ oqtyabrennän birle ike arada tartış bara. Amerikadan büläk Gennadiy Panin isemenä kilä. Bu xälgä añlatmanı Azatlıqqa Panin birde:
“Waqıyğa bik kölkele buldı. Uzğan yıl Tatarstanda Xäyriä yılı uzğan ide bit. Firaya Soltanova Çallı başqarma komitetı räise V.Şayxrazievqa räxmät yözennän büläklär cibärde. Annan alda Şayxraziev Firayağa sporttağı uñışları öçen fatir büläk itkän ide. Älege büläk krossovqalarnı Firaya Amerikada üz aqçasına satıp aldı. Alarnı minem arqılı sport mäktäbenä birergä teläde. Min “Çallı” sport mäktäbendä trener bulıp eşlim. Bu 30 par krossovka balalarğa bik kiräk ide. Läkin tovarnı Çallı tamojnyası totqarladı. Bu – kommersia maqsatlarında qullanıla torğan tovar, didelär. Şuşı äyber öçen min poşlina tülärgä tieş buldım. Küpme yörsäm dä, tovardan baş tartırğa täqdim ittelär. Büläkne 200 dollar dip bäyälädelär. Bu ayaq kiemnäre kielgän, pıçraq bulsa, bezneñ ilgä kerer ide. Yaña bulğaç, balalarğa zıyan kiterä, didelär. Törgäkne minnän alğaç, 20 mart könne anı yandırabız, didelär. Miña 1500 sum ştraf saldılar. Yuğıysä, krossovqanıñ sälämätlek öçen zıyanı yuq ide.”
Şulay itep Firayanıñ izge niäten federallar, kürengänçä, däwlätkä qarşı eş bularaq qabul itkän bulıp çığa.
