Tapşıruın tapşıra da, ämma ğämäldä Putin yıllar buyı künekkän xakimiättän alay tiz genä waz kiçä alır mikän? Töp soraw xäzer şul.
Qayber belgeçlär, bar närsä şunı kürsätä ki, Putin il belän idarä itüen xökümät citäkçese urınınnan däwam itäçäk, digän qaraşta tora.
Düşämbedä Vladimir Putin xökümät äğzaları belän prezident wazifasında soñğı utırışın ütkärde. Bu üzenä kürä xuşlaşu kebegräk ber närsä bulır dip kötelsä dä, süz anda kiläçäk turında bardı.
"Alda zur wä kierenke eşlär tora. Barığıznıñ da moña äzer buluına imanım kamil. Bilgelägän maqsatlarıbızğa ireşerbez dip uylıym", di Putin kiläçäktä dä xakimiattä qaluına açıqtan-açıq işarä yasap.
Şuña da çärşämbe Mäskäw kirmänendä uzaçaq tantana küplärgä küz buyaw çarası bularaq qına kürenä - xalıq tarafınnan Putinne yaqlaw haman da zur häm ul kiläçäktä dä idarä dilbegäsen üzendä qaldırır dip kötelä.
Heritage Foundationnıñ Mäskäwdäge üzäge mödire Yevgeni Volk, Putinneñ xakimiättän kitep tä anda qalırğa tırışuı xaqında şik yuq, dip isäpli:
"Çınbarlıqta, biredä bernindi dä çın küçeş turında söyläp bulmıy. Putin tarafınnan tözelgän bar xakimiät buınnarı da qala birä. Alay ğına da tügel, Putin premyer-ministr bulıp ta prezident wäkalätlären üzendä qaldıru, üzen yaña prezidentqa qarata nığıtu öçen bar mömkin çaralarnı da kürde", di Yevgeni Volk.
Şul çaralarnıñ soñğısı - Putinneñ xäzer inde töbäk citäkçelären dä elekkege tösle prezidentqa tügel, ä premyer-ministrğa borıp quyu turında färman çığaruı. Xäzer alarnıñ eşläre xökümättä bäyälänäçäk, çönki yıllıq xisapların töbäk citäkçeläre näq menä şunda cibärergä tieş bulaçaq.
Üze belän xakimiät bağanasın qorğan häm üzenä tuğrı bulğan kadrlarnı Putin äkrenläp xökümätkä küçerä başlağan ide inde.
Anıñ xakimiättä qalırğa teläwe Mäskäwdäge Carnegie üzägennän Aleksey Malaşenkoda şik uyatmıy.
"Putin öçen iñ qulay, iñ otışlı yul ul Medvedevneñ qulların bäyläp quyu. Älbättä, alarnıñ berse dä monı açıqtan-açıq tanımayaçaq. Häm älege mantiqnı däwam itep bez şunı da istä tota alabız - Medvedev prezident urınında bar 4 yılın ütkärmäskä dä mömkin, bälkem dä Putin anı küpmeder waqıt ütkäç almaştırır", digän faraz belderä Malaşenko.
Yäşräk, häm zamançaraq fikerlägän säyäsätçe bularaq Medvedev andıy uyınnarğa barmasqa da mömkin, älbättä, ämma ul Putin belän berär qarşılıqqa kilsä, bu Medvedev faydasına çişelmäs kebek, di belgeçlär.
Qayber belgeçlär, bar närsä şunı kürsätä ki, Putin il belän idarä itüen xökümät citäkçese urınınnan däwam itäçäk, digän qaraşta tora.
Düşämbedä Vladimir Putin xökümät äğzaları belän prezident wazifasında soñğı utırışın ütkärde. Bu üzenä kürä xuşlaşu kebegräk ber närsä bulır dip kötelsä dä, süz anda kiläçäk turında bardı.
"Alda zur wä kierenke eşlär tora. Barığıznıñ da moña äzer buluına imanım kamil. Bilgelägän maqsatlarıbızğa ireşerbez dip uylıym", di Putin kiläçäktä dä xakimiattä qaluına açıqtan-açıq işarä yasap.
Şuña da çärşämbe Mäskäw kirmänendä uzaçaq tantana küplärgä küz buyaw çarası bularaq qına kürenä - xalıq tarafınnan Putinne yaqlaw haman da zur häm ul kiläçäktä dä idarä dilbegäsen üzendä qaldırır dip kötelä.
Heritage Foundationnıñ Mäskäwdäge üzäge mödire Yevgeni Volk, Putinneñ xakimiättän kitep tä anda qalırğa tırışuı xaqında şik yuq, dip isäpli:
"Çınbarlıqta, biredä bernindi dä çın küçeş turında söyläp bulmıy. Putin tarafınnan tözelgän bar xakimiät buınnarı da qala birä. Alay ğına da tügel, Putin premyer-ministr bulıp ta prezident wäkalätlären üzendä qaldıru, üzen yaña prezidentqa qarata nığıtu öçen bar mömkin çaralarnı da kürde", di Yevgeni Volk.
Şul çaralarnıñ soñğısı - Putinneñ xäzer inde töbäk citäkçelären dä elekkege tösle prezidentqa tügel, ä premyer-ministrğa borıp quyu turında färman çığaruı. Xäzer alarnıñ eşläre xökümättä bäyälänäçäk, çönki yıllıq xisapların töbäk citäkçeläre näq menä şunda cibärergä tieş bulaçaq.
Üze belän xakimiät bağanasın qorğan häm üzenä tuğrı bulğan kadrlarnı Putin äkrenläp xökümätkä küçerä başlağan ide inde.
Anıñ xakimiättä qalırğa teläwe Mäskäwdäge Carnegie üzägennän Aleksey Malaşenkoda şik uyatmıy.
"Putin öçen iñ qulay, iñ otışlı yul ul Medvedevneñ qulların bäyläp quyu. Älbättä, alarnıñ berse dä monı açıqtan-açıq tanımayaçaq. Häm älege mantiqnı däwam itep bez şunı da istä tota alabız - Medvedev prezident urınında bar 4 yılın ütkärmäskä dä mömkin, bälkem dä Putin anı küpmeder waqıt ütkäç almaştırır", digän faraz belderä Malaşenko.
Yäşräk, häm zamançaraq fikerlägän säyäsätçe bularaq Medvedev andıy uyınnarğa barmasqa da mömkin, älbättä, ämma ul Putin belän berär qarşılıqqa kilsä, bu Medvedev faydasına çişelmäs kebek, di belgeçlär.