“Дистә елдан артык без сезнең өчен дөньяның иң зур энциклопедиясен төзибез. Шушы минутларда АКШ конгрессы ирекле һәм ачык интернетны чикләячәк канун өлгесен карый. Моңа ризасызлык йөзеннән без Википедияне ябып торабыз.” Әлеге аңлатма бүген Википедиянең инглиз бүлеге битендә урнаштырылды.
Һолливуд тарафыннан тәкъдим ителгән кануннар өлгесе кино һәм музыка сәнәгатен интернет пиратларыннан саклау нияте белән әзерләнгән.
Википедия җитәкчесе Джимми Уэлс, Википедия бу адымы белән яхшы уйланылмаган һәм начар әзерләнгән канун өлгеләренә протест белдерә, диде.
Интернеттагы иң зур сәхифәләр моңа протест белдерде, аларның күбесе пиратлардан интернетны чикләмичә дә сакланып була, дип саный.
Шушы канун өлгесе һәм интернеттагы иреклек турында без Википедиянең татар бүлеге идарәчесе Рашат Якуповның фикерен белештек:
