Уйнап кына башланган видеотапшыру тиз арада яшьләр арасында популярлык яулады, алар Youtube та меңәрләгән тамашачылары белән мактана ала. “Фәрхәт һәм Фәрхәд”не татарчаны аңламаучылар да карый, андыйлар да кичәдә шактый иде.
Кичәнең төп каһарманнары – Байбулат Батулла белән Ислам Вәлиев кызыклы миниатюраларын күрсәтте, аларга Казанның “Гуффи” КВН командасы ярдәм итте, шулай ук туган көн белән котларга дип “Мубай”, “Иттифакъ” төркемнәре килгән иде.
Ислам үзенең әтисе, танылган баянчы Рөстәм Вәлиев белән дә чыгыш ясады. Тамашачылар арасында Байбулатның әтисе белән әнисе дә бар иде.
"Сәләт" проектлары җитәкчесе Җәүдәт Сөләйманов Байбулат белән Исламны “алар бит “Сәләт”тән үсеп чыккан егетләр!” дип котлады.
Туган көн кичәсендә Фәрхәт белән Фәрхәд тамашачылар арасында уеннар оештырды, иң яхшы видеоязмаларын тәкъдим итте. Туган көн белән котларга килгән барлык тамашачыларны торт белән сыйладылар һәм кичәнең азагында татарча видеопроектның чираттагы яңа чыгарылышын да күрсәттеләр.
"Фәрхәт һәм Фәрхәд" бер яшен тутырды
"Фәрхәт һәм Фәрхәд" интернет проекты 15 майда үзенең беренче туган көнен уздырды. Казанның "Маяковский. Сары бишмәт" төнге клубында оештырылган бәйрәмгә йөзгә якын кеше килде.
