Самар татар балалары мөселманча ял итте

Самар өлкәсендә мөселман балаларының җәйге лагерен быел өлкәнең Кинел–Черкасс авылы янында бик матур инеш буенда оештырганнар. Җәйләүдә 250 бала ял итә, шуларның 113е татарлар. Уртак спорт ярышларында катнашып алдынгы урыннарны яулыйлар. Татар кызларының яулыктан, озын күлмәктән йөрүләренә нәфрәтле караш юк. Хезмәткәрләр татар төркеменә югары бәя бирә һәм үзләренең тәртипле булулары белән аерылып торалар диләр. Спорт залында биш вакыт намаз укуга лагерь мөдире хөрмәт белән карый һәм мөселманча яшәүләренә соклану белдерә.