V корылтай: Вакыйгалар дисбесе

8 декабрь, шимбә. Дөнья татар конгрессының V корылтаеның пленар утырышы башлана. Азатлык радиосы туры трансляция тәкъдим итә.

Казанда дөнья татар конгрессы корылтае барган минутларда Азатлык татар яшьләре берлеге рәисе Наил Нәбиуллин, татар активистлары Зиннур Әһлиуллин һәм Илдар Мостафаев тоткарланды. Алар конгресс кунакларына мөрәҗәгать итеп ялгыз пикетка чыккан. 5 сәгать сорау алудан соң барысы да җибәрелгән. Таләпләре һәм иртәгә үтәчәк пикет турында Наил Нәбиуллин Азатлыкка сөйләде: "Ялгыз пикетка чыкмакчы идек. Конгресс кунаклары арасында милли җанлы кунаклар да бар, аларны 8 декабрь үтәчәк пикетка чакырмакчы идек. Русиянең яңа мәгариф канунына каршы пикет иртәнге 10да Бауман урамында үтәчәк."

Азатлык "Татар мәгълүмат кыры: бүгенге халәте һәм киләчәге" секциясеннән туры трансляция тәкъдим итә. Тавыш сыйфаты өчен гафу үтенәбез.

Азатлык радиосы "Татар мәгълүмат кыры: бүгенге халәте һәм киләчәге" секциясеннән туры трансляция оештырырга ниятли. Казан вакыты белән сәгать 16.00да башланып дип көтелә.

Тәнәфес игълан ителде. Төшке аштан соң эш секцияләрдә давам итәчәк.