Универсиада көндәлеге

Универсиада паркында бүген "Кызыл тасма көне" үткәрелә. Ул AIDS/СПИД авыруына каршы көрәшкә багышлана #kazan2013

— guilfanr (@guilfanr) July 10, 2013

Универсиада кунаклары “Казан һавасы”н да һәдия итеп алып китә ала. Ул консерв банкасы кебек итеп эшләнгән, аңа Кол Шәриф мәчете төшерелгән, инглиз һәм рус телләрендә “Казан һавасы” дип язылган. Һаваны Татарстан башкаласының төрле урыннарыннан алынганлыгын күрсәткән язу да беркеткәннәр. "Казан һавасы"ның Кирмән, Бауман урамы, Иске Татар бистәсе, Меңъеллык бакчасы, Тукай мәйданы, Елан монастыре һаваларын кушып ясалуы турында белдерелә. Бәясе 300 сум дип күрсәтелә.
--социаль челтәрләрдән

Казанда бик көчле яңгыр булды. Шәһәрнең бу өлешендә Универсиаданың машинада йөзү ярышларын оештырырга була #kazan2013 pic.twitter.com/da0hqPbO03

— guilfanr (@guilfanr) July 9, 2013

Казанда көчле яңгыр нәтиҗәсендә Универсиаданың халыкара мәгълүмат үзәген су баскан. Бу хәлне күрүчеләр әйтүенчә, гипс һәм картоннан эшләнгән түшәмнең бер өлеше җимерелеп төшкән. Эсколаторлар туктатылган, электр уты белән тәэмин итүне өзгәннәр. Үзәктә булганнар урамга чыгарылган.

-- Life News

Көрәшче Азамат Лайпанов һәм Кытай йөзүчесе Тянь Цинь медалләрен ватканнан соң Гознак белгечләре Универсиадага әзерләнгән барлык өч мең медальнең ныклыгын яңадан тикшереп чыгачак. дәвам

Универсиадада тагын бер татар алтыны! Алия Мостафина гимнастикада беренчелекне алды.

"Әллә нинди кызыклар килеп чыга монда. Бөтен зал "Россия" дип кычкырса, без "Алия" дип тамак ертабыз, Татарстан байракларын болгыйбыз. Баксаң, безнең өстә генә Мутко белән Латынина утыра. Мутко, бахыр, тешен кысып утырадыр инде..)"

-- Гөлназ Бәдретдин

Хәзер Казанда Veli'Kның 7 прокат урыны бар, анда барлыгы 100 велосипед тора. Казансу ярбуен рәткә керткәч, анда да ачу карала #kazan2013

— guilfanr (@guilfanr) July 9, 2013

Veli'K челтәре велосипедларын куллану Казанда уңышлы гына бара. Вице-мэр Прокопьев әйтүенчә, көн саен 500ләп сәпид алына икән #kazan2013

— guilfanr (@guilfanr) July 9, 2013