Сарытауда Коръән тәрҗемәсенең тыелуына каршы имазалар җыю бара

Cарытау өлкәсендә Новороссийски мәхкәмәсе тарафыннан Коръән тәрҗемәсе тыелуга каршы Русия хөкүмәте исеменә имазалар җыю башланган. Мөселманнар бу тыелуны илнең кануни ватандашлары булган ислам тарафдарларын мәдәни мохиттән чыгарып атырга теләү дип саный. Шулай ук дини китапларга экспертиза ясау юнәлеше инде искергән һәм аны яңартырга кирәк дигән фикерләр дә яңгыраган.

Элмир Кулиевның Коръәннең урыс теленә тәрҗемәсен тыю турындагы карарны инде Сарытауның Маркс шәһәреннән Равил Тугушев мәхкәмәгә шикаять иткән иде.