Киңәшмәдә бал кортлары гаиләләренең саны артуы буенча Татарстан Русиядә беренче урынга чыккан дип хәбәр ителде. Хәзер республикада 250 мең бал корты гаиләсе исәпләнә. Икенче урында – Башкортстан.
Быел Татарстанда барлыгы 6 мең тонна бал җитештерелгәне мәгълүм. Шулай ук, республика селекционерлары бал кортларының яңа сортын чыгару белән мәшгуль: аңа "Татарстан" исеме биреләчәк.
Селекция эше һәм умартачылык продукциясен җитештерү буенча беренчелек һаман Башкортстанда. Татарстан – икенче.
