Петиция авторлары сүзләренчә, Казан мәчетләре дога кылырга теләгән бөтен кешене сыйдыра алмый.
"Мәчетләргә йөрүчеләр саны арта, картлар белән бергә яшьләр дә күп йөри. Әмма бер проблем бар. Мөселманнар саны артты, мәчетләр тулы. Кешеләргә намазны урамда да укырга туры килә. Җәй көннәрендә түзәргә була әле, кышын кыен", диелә мөрәҗәгатьтә.
Казанга Җәмигъ мәчете кирәклеге турында Хәтер көненә багышланган митингта да әйтелде. Журналист, җәмәгать эшлеклесе Әлмирә Әдиятуллина мәчет Казан үзәгендә төзелергә һәм аңа "Сөембикә" исеме бирелергә тиеш диде.
