21 февраль – Халыкара туган телләр көнендә Азатлык радиосы "Татарча подкаст" проектын башлап җибәрә. Монда бала тәрбияләүдән башлап, тарих, тел, мәдәният, милләт һәм башка күп кенә темаларга сөйләшәчәкбез. Подкастта журналистлар, төрле өлкәдәге белгечләр катнаша, шул ук вакытта безнең әңгәмәдәшләр гап-гади кешеләр дә булачак.
Татар мохитеннән читтә балаларга ана телен өйрәтеп буламы? Моның сере нидә?
Полиглоттан берничә киңәш — телләрне ничек өйрәнергә?
Гаилә теле vs мәктәп теле. Мәктәпләрдә татар теле кимегәч балалар нигә "әчкеч", "бармаем" дип сөйли башлады?
Татар-төрек лицейларында татар теле яхшы өйрәтелде дигән сүзләр миф булып чыктымы?
Бу хакта без җәмгыять белеме белгече, аспирант, полиглот, нәниләр өчен "Бану маҗаралары" китабы авторы Лилия Исхакова белән сөйләштек.
Кемгәдер "Татарча подкаст"ны YouTube аша тыңлау кулаерак булырга мөмкин.
Әгәр сезне кызыксындырган темалар һәм сораулар бар икән, azatliq@rferl.org почтасына "Татарча подкаст" дип тамгалап языгыз.