Rumsfeld bu süzlären xärbi xezmättän kitkän qayber generallarnıñ anı Ğiraq suğışın alıp baruı mäs''äläsendä tänqitläp, urınınnan kitügä öndäwenä cawap bularaq äytte. Döresen genä äytkändä, Rumsfeld öçen tänqit yaña närsä tügel. Soñğı yıllarda ul anı şaqtıy işette. Şul tänqitneñ zur öleşe Ğiraq suğışın kire qağuçılardan kilä ide. Läkin xäzer wäzğiat başqa - Donald Rumsfeld üzen bitärlägän süzlärne üz saflarınnan - elekkege yuğarı xärbi citäkçelärdän işetä. Soñğı atnalarda ğına da Rumsfeldnıñ kitüenä öndäp 6 general çıqtı. General-mayor John Batista şularnıñ berse, Ğiraqta ul tup diviziäse başlığı ide:
"İñ yaxşı çişeleş bulıp ministrnıñ urınınnan kitep, Penatgonğa yaña sulış birü - kümäkläşep eşläwne belgän, citäkçelekne kimsetmi häm dorfasız ğına alıp barğan yaña sivil başlıq quyu kiräk", di general Batista Rumsfeldkä inde eşennän kitü waqıtı citüe xaqında.
Xärbi xezmättän kitkän generallar saqlanu ministrın berençe çiratta xärbilär birgän kiñäşkä qolaq salmawda ğäyepli. Alar, Rumsfeld Ğiraq suğışına bik az ğäskär cibärde, häm bigräk tä Ğiraqta suğıştan soñğı çorda ni bulaçağın tieşle räweştä planlaştırmadı, dip belderä.
"Äl-Ğäräbiä" televideniäsenä Donald Rumsfeld, üzeneñ tiz genä birelergä cıyınmawın äytte:
"Min prezidentqa ul niçek teli şulay xezmät itärgä cıyınam. Ägär dä xezmättän kitkän ike, yä öç, yä dürt keşe başqa törleräk qaraşta ikän, min monı xörmät itäm. Ämma meñlärçä admiral wä general arasınnan ike-öç keşe kileşmägän sayın bez saqlanu ministrın almaştıra başlasaq, bu ber äylänä-kämit bulır ide", dip cawap qaytara tänqitkä Donald Rumsfeld.
Üz yazmışın ministr çittän yañğırağan tänqitkä tügel, ä prezident Bushnıñ üzenä ışanuına bäyli. Ä Aq yort xucası qaysı yaqnı alu mäs''äläsendä şiklänmi - şimbägä qarşı töndä ul Rumsfeldnı tuısınça yaqlawın häm aña räxmätle buluın belderde. Anıñ süzlärençä, xäzerge qatlawlı çorda näq menä Rumsfeldkä xas bulğan qırıs wä nıqlı citäkçelek säläte kiräk. Üz xökümäte äğzasın şulay yaqlap maxsus belderü yasawı prezident Bush öçen ğädäti küreneş tügel, elek bolay eşlängäne bulmadı. Ämma ikençe yaqtan, saqlanu ministrınıñ xärbi xezmättän kitkän generallar tarafınnan açıqtan-açıq tänqitlänüen dä ğädättän tış xäl dip atarğa bula.
Kärim Kamal
"İñ yaxşı çişeleş bulıp ministrnıñ urınınnan kitep, Penatgonğa yaña sulış birü - kümäkläşep eşläwne belgän, citäkçelekne kimsetmi häm dorfasız ğına alıp barğan yaña sivil başlıq quyu kiräk", di general Batista Rumsfeldkä inde eşennän kitü waqıtı citüe xaqında.
Xärbi xezmättän kitkän generallar saqlanu ministrın berençe çiratta xärbilär birgän kiñäşkä qolaq salmawda ğäyepli. Alar, Rumsfeld Ğiraq suğışına bik az ğäskär cibärde, häm bigräk tä Ğiraqta suğıştan soñğı çorda ni bulaçağın tieşle räweştä planlaştırmadı, dip belderä.
"Äl-Ğäräbiä" televideniäsenä Donald Rumsfeld, üzeneñ tiz genä birelergä cıyınmawın äytte:
"Min prezidentqa ul niçek teli şulay xezmät itärgä cıyınam. Ägär dä xezmättän kitkän ike, yä öç, yä dürt keşe başqa törleräk qaraşta ikän, min monı xörmät itäm. Ämma meñlärçä admiral wä general arasınnan ike-öç keşe kileşmägän sayın bez saqlanu ministrın almaştıra başlasaq, bu ber äylänä-kämit bulır ide", dip cawap qaytara tänqitkä Donald Rumsfeld.
Üz yazmışın ministr çittän yañğırağan tänqitkä tügel, ä prezident Bushnıñ üzenä ışanuına bäyli. Ä Aq yort xucası qaysı yaqnı alu mäs''äläsendä şiklänmi - şimbägä qarşı töndä ul Rumsfeldnı tuısınça yaqlawın häm aña räxmätle buluın belderde. Anıñ süzlärençä, xäzerge qatlawlı çorda näq menä Rumsfeldkä xas bulğan qırıs wä nıqlı citäkçelek säläte kiräk. Üz xökümäte äğzasın şulay yaqlap maxsus belderü yasawı prezident Bush öçen ğädäti küreneş tügel, elek bolay eşlängäne bulmadı. Ämma ikençe yaqtan, saqlanu ministrınıñ xärbi xezmättän kitkän generallar tarafınnan açıqtan-açıq tänqitlänüen dä ğädättän tış xäl dip atarğa bula.
Kärim Kamal