Aprildä Peterburda tönge klubtan çığıp kilgändä Sinegal studentı Lamzar Sambağa atalar. Näticädä yäş keşe häläk bula. 22 may könne milisiä höcümne oyıştıruda şiklänelgän 5 keşene qulğa aldı. Uzğan atnada qulğa alğanda birelergä telämägän ber şikle keşene milisiä atıp ütergän. Bu – soñğı arada Rusiädä yışayıp kitkän rasaçıl höcümnärneñ berse genä ide.
Amnesty İnternation oyışmasınıñ yıllıq xisabında sannar da kiterelgän. 2005nçe yılda Rusiädä rasaçıl näfrät säbäple 365 höcüm bulğan, 28 keşe üterelgän. Höcümgä çit il keşeläre häm Rusiä watandaşlarınnan isä Çeçnya häm Tönyaq Kavkaz keşeläre duçar bulğan.
Oyışmanıñ general sekretare İrene Khan, uzğan yıl Rusiädä teträndergeç xällär küp buldı, dip belderde:
"Rusiä xökümäteneñ, xökümättän bäysez oyışmalarnı, keşe xoquqların yaqlawçılarnı häm jurnalistlarnı çiklägänen kürdek. Rusiä xökümäte Çeçnyada üz iminlek köçläreneñ keşe xoquqların bozuına küz yomuın häm çaralar kürmäwen küzättek."
Amnesty''nıñ matbuğat wäkile Judit Arenas, Rusiädä alğa kiteş bar, dip belderde. Misal itep ul, prezident Vladimir Putinnıñ, soñğı yullamasında rasaçılıqnı – problema dip tanuın kiterde.
Xisapta elekke Guantanamo totqınnarı turında da süz bar. Belarus häm Azärbaycan xisapta säyäsi oppozisiä häm jurnalistlarnı ezärleklägäne öçen täñqitlänä. Ärmänstan, Yevropa Şurasına birgän wäğdälärenä qaramastan, xärbi xezmätkä barudan baş tartuçılarnı äle dä törmädä tota. "Tösle inqilaplar" kiçergän häm demokratiä yulına basqan Ukraina belän Görcistan da xisapta täñqitlänä. Bu ike ildä milisiäneñ waxşilekläre telgä alına. Ämma, ike ildä dä yuğarı däräcädä mäsälä çişelä başladı, dielgän xisapta. Görcistanda milisiäneñ cinäyätlärne yäşerüe häm üç aludan qurqıp ziyan kürüçelärneñ mäxkämägä möräcäğät itmäweläre küzätelä.
Alsu Qormaş
Amnesty İnternation oyışmasınıñ yıllıq xisabında sannar da kiterelgän. 2005nçe yılda Rusiädä rasaçıl näfrät säbäple 365 höcüm bulğan, 28 keşe üterelgän. Höcümgä çit il keşeläre häm Rusiä watandaşlarınnan isä Çeçnya häm Tönyaq Kavkaz keşeläre duçar bulğan.
Oyışmanıñ general sekretare İrene Khan, uzğan yıl Rusiädä teträndergeç xällär küp buldı, dip belderde:
"Rusiä xökümäteneñ, xökümättän bäysez oyışmalarnı, keşe xoquqların yaqlawçılarnı häm jurnalistlarnı çiklägänen kürdek. Rusiä xökümäte Çeçnyada üz iminlek köçläreneñ keşe xoquqların bozuına küz yomuın häm çaralar kürmäwen küzättek."
Amnesty''nıñ matbuğat wäkile Judit Arenas, Rusiädä alğa kiteş bar, dip belderde. Misal itep ul, prezident Vladimir Putinnıñ, soñğı yullamasında rasaçılıqnı – problema dip tanuın kiterde.
Xisapta elekke Guantanamo totqınnarı turında da süz bar. Belarus häm Azärbaycan xisapta säyäsi oppozisiä häm jurnalistlarnı ezärleklägäne öçen täñqitlänä. Ärmänstan, Yevropa Şurasına birgän wäğdälärenä qaramastan, xärbi xezmätkä barudan baş tartuçılarnı äle dä törmädä tota. "Tösle inqilaplar" kiçergän häm demokratiä yulına basqan Ukraina belän Görcistan da xisapta täñqitlänä. Bu ike ildä milisiäneñ waxşilekläre telgä alına. Ämma, ike ildä dä yuğarı däräcädä mäsälä çişelä başladı, dielgän xisapta. Görcistanda milisiäneñ cinäyätlärne yäşerüe häm üç aludan qurqıp ziyan kürüçelärneñ mäxkämägä möräcäğät itmäweläre küzätelä.
Alsu Qormaş