Söyläşülärdän soñ bulğan matbuğat oçraşuında Putin häm Buş, ike il arasında atom energiäsen tınıç maqsatlarda tärräqi itü turında kileşende, dip belderde. Dönyada atom eşçänlekläreneñ kontrol itü yullarınıñ berse – Venadağı Atom Energiäse İdaräse qaramağında bulğan energiä üzäkläre açu, dide Putin:
"Bez köntärtibendä torğan qayber xalıqara häm üzara mäsälälärdä kileşügä ireştek, bez atom energiäseneñ iminlek maqsatlarında ğına qullanuı öçen urtaq çaralar turında deklarasiägä qul quydıq."
Bush, Rusiä häm AQŞ, İrannıñ atom programması häm Tönyaq Korea tiräsendäge kierenkelekne çişü maqsatında bergä eşliäçäk, dip belderde:
"Bez Tönyaq Korea häm İran turında söyläştek. Mäsälälär awır bulsa, da, xäzer alarnı çişü alay uq awır kebek kürenmi, çönki Rusiä häm Quşma Ştatlar, ike ilneñ xökümätlärenä atom qoralın citeşterü – qabul itelerlek äyber tügel digän fikerne berdäm citkerergä kileşte."
Yaqın Könçığışta qabınıp kitkän wazğiät tä ike prezidentnıñ oçraşuında köntärtibendä buldı. Bush Libannıñ Hizballa xäräkäten köç qullanuda ğäyepläde, häm alarnıñ qoral taşlawın taläp itte. Ul şulay uq Süriägä basım yasadı:
"Uylawımça, monda här kem köç qullanunıñ tuqtawın teli. Minemçä, köç qullanunı tuqtatır öçen berençe adım anıñ ni säbäple başlanğanın belü. Ä anıñ säbäbe – Hizballanıñ İzrailgä raketalar atuı, Hizballanıñ ike İzrail xärbien totıq itep aluı. Menä ni öçen başlanğan ul köç qullanu."
Putin da İzrailneñ üz iminlegen qayğırtuı – "qanunlı" ämma köç qullanu çama belän bulırğa tieş, dip belderde.
İke ilbaşı oçraşuınıñ köntärtibendä torğan tağın ber möhim mäsälälärneñ berse – Rusiäneñ Dönya Säwdä Oyışmasına kerüe ide. Bush, AQŞ bu oyışmada Rusiäne kürergä teli, ämma söyläşülärne äle däwam itergä kiräk bulaçaq, dip belderde:
"Bezneñ belän söyläşülär alıp baru – awır. Çönki bez qabul iteläçäk kileşüneñ AQŞ kongressı tarafınnan raslanuın telibez. Ämma minemçä bez ğadel söyläşülär alıp barabız. Bez Rusiäneñ oyışmağa kerüen telibez. Küp mäsälälärdä urtaqlıq bar, ämma äle eşlise eşlär bar, söyläşülärne däwam itäçäkbez."
Oçraşu waqıtında Rusiädä demokratiä torışı da iskä alınır dip kötelgän ide, ämma – Bush, Rusiäneñ üzenä kürä başqa demokratiä tözüen añlap bula, dide:
"Demokratiäneñ Rusiä stilendä buluın min bik yaxşı añlıym. Min Rusiäneñ Quşma Ştatlarğa oxşawın kötmim. Kiçä kiç Vladimir äytkänçä, bezneñ här bärebezneñ üz tarixı, üz ğöref-ğadätläre."
Moñarçı Könbatış häm AQŞ Rusiäne demokratik reformalarnı çikläwdä ğäyepläp kilgän ide.
AQŞ prezidentı Piterburğa comğa kiç kilde. Zur 8lek sammitı üz eşen 16 yül yäkşämbe könne başlıy.
Alsu Qormaş
"Bez köntärtibendä torğan qayber xalıqara häm üzara mäsälälärdä kileşügä ireştek, bez atom energiäseneñ iminlek maqsatlarında ğına qullanuı öçen urtaq çaralar turında deklarasiägä qul quydıq."
Bush, Rusiä häm AQŞ, İrannıñ atom programması häm Tönyaq Korea tiräsendäge kierenkelekne çişü maqsatında bergä eşliäçäk, dip belderde:
"Bez Tönyaq Korea häm İran turında söyläştek. Mäsälälär awır bulsa, da, xäzer alarnı çişü alay uq awır kebek kürenmi, çönki Rusiä häm Quşma Ştatlar, ike ilneñ xökümätlärenä atom qoralın citeşterü – qabul itelerlek äyber tügel digän fikerne berdäm citkerergä kileşte."
Yaqın Könçığışta qabınıp kitkän wazğiät tä ike prezidentnıñ oçraşuında köntärtibendä buldı. Bush Libannıñ Hizballa xäräkäten köç qullanuda ğäyepläde, häm alarnıñ qoral taşlawın taläp itte. Ul şulay uq Süriägä basım yasadı:
"Uylawımça, monda här kem köç qullanunıñ tuqtawın teli. Minemçä, köç qullanunı tuqtatır öçen berençe adım anıñ ni säbäple başlanğanın belü. Ä anıñ säbäbe – Hizballanıñ İzrailgä raketalar atuı, Hizballanıñ ike İzrail xärbien totıq itep aluı. Menä ni öçen başlanğan ul köç qullanu."
Putin da İzrailneñ üz iminlegen qayğırtuı – "qanunlı" ämma köç qullanu çama belän bulırğa tieş, dip belderde.
İke ilbaşı oçraşuınıñ köntärtibendä torğan tağın ber möhim mäsälälärneñ berse – Rusiäneñ Dönya Säwdä Oyışmasına kerüe ide. Bush, AQŞ bu oyışmada Rusiäne kürergä teli, ämma söyläşülärne äle däwam itergä kiräk bulaçaq, dip belderde:
"Bezneñ belän söyläşülär alıp baru – awır. Çönki bez qabul iteläçäk kileşüneñ AQŞ kongressı tarafınnan raslanuın telibez. Ämma minemçä bez ğadel söyläşülär alıp barabız. Bez Rusiäneñ oyışmağa kerüen telibez. Küp mäsälälärdä urtaqlıq bar, ämma äle eşlise eşlär bar, söyläşülärne däwam itäçäkbez."
Oçraşu waqıtında Rusiädä demokratiä torışı da iskä alınır dip kötelgän ide, ämma – Bush, Rusiäneñ üzenä kürä başqa demokratiä tözüen añlap bula, dide:
"Demokratiäneñ Rusiä stilendä buluın min bik yaxşı añlıym. Min Rusiäneñ Quşma Ştatlarğa oxşawın kötmim. Kiçä kiç Vladimir äytkänçä, bezneñ här bärebezneñ üz tarixı, üz ğöref-ğadätläre."
Moñarçı Könbatış häm AQŞ Rusiäne demokratik reformalarnı çikläwdä ğäyepläp kilgän ide.
AQŞ prezidentı Piterburğa comğa kiç kilde. Zur 8lek sammitı üz eşen 16 yül yäkşämbe könne başlıy.
Alsu Qormaş