Yaqın Könçığışta inde 1 ay däwam itkän xärbi nizağta meñnän artıq keşe häläk buldı. Qorbannar arasında bik küp bala, xatın-qızlar häm olı keşelär buluğa qaramastan, höcümnär tizdän tuqtalır digän işärälär yuq.
Bügen BMOnıñ İminlek Şurası cıyıla, anda çärşämbe, 9 avgustqa qadär nindi dä bulsa qarar, köç qullanunı tuqtatu turında rezolüsiä qabul iteler dip kötelä. Ul arada İzrail Xizbullağa qarşı çaraların köçäytüen belderde.
İñ başta AQŞ häm Fransiä äzerlägän rezolüsiä ölgese Libanğa oşamağan ide. Anda 10 meñgä yaqın İzrail xärbienLibannan çığarı turında äytelmäde. Düşämbe könne Liban, çığıp kitäçäk İzrail xärbiläre urının ilneñ könyağında şunda uq 15 meñlek Liban ğaskärläre ala ala, digän ide.
İzrail premyer-ministrı Ehud Olmert täqdimne "qızıqlı" dip atadı häm uylarğa waqıt soradı.
Bügen BMOda bulaçaq cıyında Liban mänfäğätlären Ğäräp Ligası general sekratare Ämr Mussa da yaqlar dip kötelä. AQŞ häm Fransiä söyläşügä bik teläp qatnaşaçaqların belderde.
Yaqın Könçığışqa şulay uq diplomatik söyläşülär ütkärü maqsatı belän 3 könlek säfärgä Germaniä tışqı eşlär ministrı Frank-Walter Steienmeier kitte.
İzrail könyaq Libanğa xalıqara ğäskär kertüne yaqlıy, ämma töbäktä Xizbulla köçläreneñ qaluın telämi. Bügen köç qullanuda İzrailneñ kimendä ike xärbie häläk bulğan dip xäbär itelä. İzrail könyaq Libandağı Xiam şähärenä hawa höcümnäre yasadı.
Alsu Qormaş
Bügen BMOnıñ İminlek Şurası cıyıla, anda çärşämbe, 9 avgustqa qadär nindi dä bulsa qarar, köç qullanunı tuqtatu turında rezolüsiä qabul iteler dip kötelä. Ul arada İzrail Xizbullağa qarşı çaraların köçäytüen belderde.
İñ başta AQŞ häm Fransiä äzerlägän rezolüsiä ölgese Libanğa oşamağan ide. Anda 10 meñgä yaqın İzrail xärbienLibannan çığarı turında äytelmäde. Düşämbe könne Liban, çığıp kitäçäk İzrail xärbiläre urının ilneñ könyağında şunda uq 15 meñlek Liban ğaskärläre ala ala, digän ide.
İzrail premyer-ministrı Ehud Olmert täqdimne "qızıqlı" dip atadı häm uylarğa waqıt soradı.
Bügen BMOda bulaçaq cıyında Liban mänfäğätlären Ğäräp Ligası general sekratare Ämr Mussa da yaqlar dip kötelä. AQŞ häm Fransiä söyläşügä bik teläp qatnaşaçaqların belderde.
Yaqın Könçığışqa şulay uq diplomatik söyläşülär ütkärü maqsatı belän 3 könlek säfärgä Germaniä tışqı eşlär ministrı Frank-Walter Steienmeier kitte.
İzrail könyaq Libanğa xalıqara ğäskär kertüne yaqlıy, ämma töbäktä Xizbulla köçläreneñ qaluın telämi. Bügen köç qullanuda İzrailneñ kimendä ike xärbie häläk bulğan dip xäbär itelä. İzrail könyaq Libandağı Xiam şähärenä hawa höcümnäre yasadı.
Alsu Qormaş