2004nçe yılnıñ 26 dikäberendä Hind okeanında 9 däräcä köçkä iä bulğan cir teträwdän barlıqqa kilgän dulqın taşqını bik qısqa waqıt eçendä yar buyındağı yortlarnı, mäktäplärne, xastaxanälärne häm qunaqxanälärne pıçıraq su häm cimereklär astında qaldırdı.
Tsunami qayber awıllarnı tulısınça yuq itte, meñlägän keşe häläk buldı, yortsız qalğan keşelärne sanap beterü dä mömkin tügel ide.
İndoneziäneñ Açeh vilayätendä genä 150 meñgä yaqın keşe häläk buldı. Başqala Banda Açehda bügen mäçetlärdä häm qaberleklärdä ärwahlarğa doğa qılındı.
Açehdan 3 meñ çaqrım yıraqlıqta urnaşqan İndoneziäneñ yal itü utrawı Balida bügen tsunamidan saqlanu künegüläre oyıştırıldı. Bu yaqlarda dulqın taşqını bulmağan, ämma cirle xalıq häm turistlarğa bälä çığa qalsa – nilär eşlisen öyrättelär.
Tailandtnıñ könyağında, zur ziyan kürgän Khao Lak utrawında, dulqın belän tulısınça cimerelgän polisiäneñ yaña binası yanına bügen qorbannarnı iskä alırğa xalıq cıyıldı. Tsunamida isän qalğan Norvegiä watandaşı Hakongran Wenchengran, xislär äle dä bik köçle, dip belderde:
"Biredä bulu bik dulqınlandırğıç, xätirälär kire qayta. Bez bäxetle, bez isän qaldıq."
Kürşedäge Bang Muang şähärendä, budda, katolik häm möselman ruxaniläre berlektä 400läp tsunami qorbanı cirlängän kümäk qaberlek yanına barıp doğa qıldı.
Dulqın taşqınında häläk bulğannarnı bügen şulay uq Malayziä häm Hindstanda da iskä aldılar, Hindstannıñ könyaq yarlarında 10 meñgä yaqın keşe ülgän ide.
Şri Lankanıñ könyağındağı Peraliya şähärendä prezident Mahinda Rajapakse, Budda häykälen açuda qatnaştı. Biredä tsunami dulqını poezğa kiterep bärep meñgä yaqın keşe häläk bulğan ide.
İsän qalğannarnıñ kübese isä äle dä çatırlarda yäşi. Töbäkkä äle moñarçı kürelmägän 10 milliard dollarlıq yardäm cibärelde. Ämma bu qadär aqçağa qaramastan, qayber cirlärdä tözeleş eşläre aqrın bara, şulay uq qayber aqçalarnıñ tieşençä totılmawı turında mäğlümatlär bar.
Alsu Qormaş, Praga
Tsunami qayber awıllarnı tulısınça yuq itte, meñlägän keşe häläk buldı, yortsız qalğan keşelärne sanap beterü dä mömkin tügel ide.
İndoneziäneñ Açeh vilayätendä genä 150 meñgä yaqın keşe häläk buldı. Başqala Banda Açehda bügen mäçetlärdä häm qaberleklärdä ärwahlarğa doğa qılındı.
Açehdan 3 meñ çaqrım yıraqlıqta urnaşqan İndoneziäneñ yal itü utrawı Balida bügen tsunamidan saqlanu künegüläre oyıştırıldı. Bu yaqlarda dulqın taşqını bulmağan, ämma cirle xalıq häm turistlarğa bälä çığa qalsa – nilär eşlisen öyrättelär.
Tailandtnıñ könyağında, zur ziyan kürgän Khao Lak utrawında, dulqın belän tulısınça cimerelgän polisiäneñ yaña binası yanına bügen qorbannarnı iskä alırğa xalıq cıyıldı. Tsunamida isän qalğan Norvegiä watandaşı Hakongran Wenchengran, xislär äle dä bik köçle, dip belderde:
"Biredä bulu bik dulqınlandırğıç, xätirälär kire qayta. Bez bäxetle, bez isän qaldıq."
Kürşedäge Bang Muang şähärendä, budda, katolik häm möselman ruxaniläre berlektä 400läp tsunami qorbanı cirlängän kümäk qaberlek yanına barıp doğa qıldı.
Dulqın taşqınında häläk bulğannarnı bügen şulay uq Malayziä häm Hindstanda da iskä aldılar, Hindstannıñ könyaq yarlarında 10 meñgä yaqın keşe ülgän ide.
Şri Lankanıñ könyağındağı Peraliya şähärendä prezident Mahinda Rajapakse, Budda häykälen açuda qatnaştı. Biredä tsunami dulqını poezğa kiterep bärep meñgä yaqın keşe häläk bulğan ide.
İsän qalğannarnıñ kübese isä äle dä çatırlarda yäşi. Töbäkkä äle moñarçı kürelmägän 10 milliard dollarlıq yardäm cibärelde. Ämma bu qadär aqçağa qaramastan, qayber cirlärdä tözeleş eşläre aqrın bara, şulay uq qayber aqçalarnıñ tieşençä totılmawı turında mäğlümatlär bar.
Alsu Qormaş, Praga