Demokratlarnıñ primar saylawları bu yulı ilneñ könyağındağı 7 ştatta ütte, xörmätle tıñlawçılar. Baştağı farazlarğa qarağanda, alarda nigezdä, çığışı belän könyaqtan bulğan Könyaq Carolina senatorı John Edwards häm elekke general Wesley Clark ciñärgä tieş ide. Läkin näticälär şunı kürsätte, demokratlarnıñ küpçelege älegä Quşma Ştatlar senatına tönyaq-könçığışağı Massachusetts ştatınnan saylanğan John Kerrygä ışanuın belderä. Delaware, Arizona, Tönyaq Dakota, New Mexico häm Missouri ştatlarında tawışlarnıñ zur öleşe näq menä aña birelde. Şuşı uñışı belän qanatlanğan Kerry üz tarafdarlarına, noyäbrdä ütäçäk saylawlarda xäzerge prezident Bushtan Quşma Ştatlar belän idarä itüne üzenä alırğa äzer buluın belderde.
Audio, John Kerry
"Xaqiqät şul ki, Quşma Ştatlarnıñ qorallı köçlären çamasız arttırıp, tuplağan qüwätebezne kierenkelätep, berektäşlärebezne bizderep häm ilneñ zamança tarixında tupas, dorfa, añsız tışqı säyäsät alıp barıp George Bush Amerikanı köçsezlätte genä" di demokratlardan kiläse prezident bulu däğwasın beldergän John Kerry. Noyäbr saylawlarında kemneñ demokrat nämzät buluı öçen köräş başlanğanda senator Kerry ber dä ömetlelärdän sanalmıy ide, läkin ul başta Iowa sınawında, ä soñraq New Hampshiredä uzğan primar saylawlarda kötmägändä uñışqa ireşte, häm xäzer moña tağın 5 ştatta ciñep çığu östälde. Fiker beleşülär nigezendä favorit sanalğan Howard Dean yänä uñışsızlıq kiçerde, ul ber genä ştatta da küpçelek yawlıy almadı, şuña da qaramastan ul köräşne azaqqa qädär alıp baraçağın belderä. Yarışnı şulay uq tağın ike nämzät - senator John Edwards, ul bu yulı üzeneñ tuğan ştatı Könyaq Carolinada ciñde, häm elekke general Wesley Clark däwam itä. Zamanında NATO qorallı köçläre başlığı bulıp torğan Clark berençelekne Oklahoma ştatında qazandı. Anda ul Edwards belän yaqınça ber çama yaqlandı dip xäbär itelä. Ä menä senator Lieberman öçen sişämbe saylawları küñelsez tämamlandı, ul berqayda da uñışqa ireşä almadı häm yarıştan töşep qaluın iğlan itte. Şulay itep demokratlar John Kerry tiräsendä tuplanırğa buldı kebek, Waşingtondağı CATO institutında eşläwçe amerikan belgeçe Patrick Basham süzlärenä qarağanda, Kerrynıñ Bushnı ciñä alu mömkinlekläre zurraq sanala.
Audio, Patrick Basham
"Demokratlarnıñ Kerryne yaqlawğa awışuı anıñ saylanu ixtimalınıñ zurraq buluında" di Basham, häm bolay dip däwam itä:
Audio, Patrick Basham
"Kerry demokrat nämzätlärneñ ber-berse arasında ällä ni zur säyäsi ayırmalıqlar bulmawınnan fayda kürä, bu bigräk tä suğış mäs''äläse ähämiateneñ kimüe sürätendä yaxşı kürenä" di amerikan belgeçe Patrick Basham. Kerry zamanında Vietnam suğışında qatnaşqan keşe, soñğı 19 yılın ul senat äğzası bularaq ütkärde. Bu könnärdä bäyän itelgän fiker beleşü näticälärenä qarağanda, 53 protsent yaqlaw belän John Kerry prezident Bushtan alda bara, Aq yortnıñ xäzerge xucasın barı 46 protsent qına xuplıy. Şuşı atna azağında demokratlarnıñ primar saylawları Michigan, Washington häm Maine ştatlarında uzaçaq, şunnan soñ inde alar Quşma Ştatlarnıñ California, New York, Florida, Texas tösle zur ştatlarında ütä.
Kärim Kamal, Praga
Audio, John Kerry
"Xaqiqät şul ki, Quşma Ştatlarnıñ qorallı köçlären çamasız arttırıp, tuplağan qüwätebezne kierenkelätep, berektäşlärebezne bizderep häm ilneñ zamança tarixında tupas, dorfa, añsız tışqı säyäsät alıp barıp George Bush Amerikanı köçsezlätte genä" di demokratlardan kiläse prezident bulu däğwasın beldergän John Kerry. Noyäbr saylawlarında kemneñ demokrat nämzät buluı öçen köräş başlanğanda senator Kerry ber dä ömetlelärdän sanalmıy ide, läkin ul başta Iowa sınawında, ä soñraq New Hampshiredä uzğan primar saylawlarda kötmägändä uñışqa ireşte, häm xäzer moña tağın 5 ştatta ciñep çığu östälde. Fiker beleşülär nigezendä favorit sanalğan Howard Dean yänä uñışsızlıq kiçerde, ul ber genä ştatta da küpçelek yawlıy almadı, şuña da qaramastan ul köräşne azaqqa qädär alıp baraçağın belderä. Yarışnı şulay uq tağın ike nämzät - senator John Edwards, ul bu yulı üzeneñ tuğan ştatı Könyaq Carolinada ciñde, häm elekke general Wesley Clark däwam itä. Zamanında NATO qorallı köçläre başlığı bulıp torğan Clark berençelekne Oklahoma ştatında qazandı. Anda ul Edwards belän yaqınça ber çama yaqlandı dip xäbär itelä. Ä menä senator Lieberman öçen sişämbe saylawları küñelsez tämamlandı, ul berqayda da uñışqa ireşä almadı häm yarıştan töşep qaluın iğlan itte. Şulay itep demokratlar John Kerry tiräsendä tuplanırğa buldı kebek, Waşingtondağı CATO institutında eşläwçe amerikan belgeçe Patrick Basham süzlärenä qarağanda, Kerrynıñ Bushnı ciñä alu mömkinlekläre zurraq sanala.
Audio, Patrick Basham
"Demokratlarnıñ Kerryne yaqlawğa awışuı anıñ saylanu ixtimalınıñ zurraq buluında" di Basham, häm bolay dip däwam itä:
Audio, Patrick Basham
"Kerry demokrat nämzätlärneñ ber-berse arasında ällä ni zur säyäsi ayırmalıqlar bulmawınnan fayda kürä, bu bigräk tä suğış mäs''äläse ähämiateneñ kimüe sürätendä yaxşı kürenä" di amerikan belgeçe Patrick Basham. Kerry zamanında Vietnam suğışında qatnaşqan keşe, soñğı 19 yılın ul senat äğzası bularaq ütkärde. Bu könnärdä bäyän itelgän fiker beleşü näticälärenä qarağanda, 53 protsent yaqlaw belän John Kerry prezident Bushtan alda bara, Aq yortnıñ xäzerge xucasın barı 46 protsent qına xuplıy. Şuşı atna azağında demokratlarnıñ primar saylawları Michigan, Washington häm Maine ştatlarında uzaçaq, şunnan soñ inde alar Quşma Ştatlarnıñ California, New York, Florida, Texas tösle zur ştatlarında ütä.
Kärim Kamal, Praga