Rusiä prezidentı Putin belän söyläşülär ütkärü öçen comğa könne Mäskäwgä kilgän Aleksandr Lukaşenka Condoleezza Ricenıñ şuşı belderülärenä üz mönäsäbäten bäyän itärgä buldı:
Audio, Aleksandr Lukaşenka
"Anıñ Belarus'' kebek ilneñ buluın belüe yaxşı, ul äle xätta bu ilneñ qayda yatqanın da beläder. Bälki äle ul kiçä üzeneñ şul il östennän oçqanın da abaylağandır. Minemçä, Belarus''tä bernindi dä terrorçı yuq, barısı da äybät kürenä" dip çäneçkele cawap qaytara prezident Lukaşenka amerikan däwlät sekretareneñ üz xakimiate turındağı belderülärenä. Minskineñ üzendä moñardan da qatıraq süzlär işetelde bu uñaydan. Parlament deputatı Nikolay Çerginets, misal öçen, Rice äytkännärne ildäge xakimiatne bärep töşerügä öndäwgä tiñläde, ä Belarus''neñ däwlät televideniäse anı ğomumän "qara qaplan" dip atadı. Şuşı bäyäläwlärgä Quşma Ştatlarnıñ däwlät sekretare Belarus''ne elegräk "Yevropadağı soñğı diktatura" dip atawı häm atnakiç Vilnüstä Belarus'' oppozitsiäse wäkilläre belän oçraşuı öçen layıq buldı. Bu oçraşu turında Rice üze bolay digän ide:
Audio, Condoleezza Rice
"Oppozitsiä wäkilläre belän bez Belarus''tä demokratik üzgäreşlärgä bulğan ixtiac häm anda bik awır şartlarda şul üzgäreşlärne ğämälgä quyırğa tırışqan keşelärgä bulışu ölkäsendä ni eşläp bulu xaqında söyläştek" digän ide däwlät sekretare Rice. Anıñ Belarus''täge demokratiäne yaqlap süz qatuın uñay bäyäläwçelär dä bar. Minskidäge İctimaği wä iqtisadi tikşerenülär üzäge mödire Oleg Manayev süzlärençä, Condoleezza Rice belderüläre ber oppozitsiäneñ genä tügel, ä Lukaşenka xakimiaten eçtän genä näfrät itkän, ämma däşärgä şürlägän küpçelekneñ dä ruxın kütärä.
Audio, Oleg Manayev
"Bu Belarus'' saylawçılarınıñ bar demokratik öleşe öçen köçle ber belderü bulıp tora. Ul, "bez sezne isebezdä totabız, sezgä räxmätlebez, häm sezne onıtmıyça yaqlarğa äzerbez, bezgä ışana alasız" digänne añlata" di Minskidäge belgeç. Anıñ süzlärenä qarağanda, prezident Lukaşenkağa qarşı toruçılarda yış qına, Könbatış bezne onıttı, bez alarğa kiräkmibez digän xis tua, ä menä Rice belderüläre monıñ alay tugellegen kürsätä ikän. Ämma älegä Belarus''täge oppozitsiä bik tarqaw xäldä qala birä. Anıñ xälen yaxşırtu öçen qorı süzlär genä citmi, alar konkret ğämällär belän dä nığıtılıp barırğa tieş, di ikençe ber belgeç, Minskidäge Strategiä üzägennän Valeri Karbaleviç:
Audio, Valeri Karbaleviç
"Ber belderülär belän genä berni dä üzgärtep bulmıy, alar artınnan ğämälär kilgän oçraqta ğına näticägä ireşü mömkin. Andıy ğämällär Yevropa Berlege, häm bälkem dä Ukraina kebek başqa illär belän bergäläşep eşlänergä tieş" di Karbaleviç. Ul şulay uq, oppozitsiägä yardäm itüne ozaqqa suzarğa yaramıy, çönki Belarus''täge räsmi xakimiat monı üz faydasına, ildä Könbatışqa qarşı käyeflärne arttıru maqsatında qullana başlayaçaq, häm waqıt ütü belän bu tiskäre näticägä kiterä ala dip belderä. Xakimiatkä äle 1994-nçe yılda kilgän Aleksandr Lukaşenka kiläse yılda yänä prezident bulıp saylanırğa cıyına.
Kärim Kamal
Audio, Aleksandr Lukaşenka
"Anıñ Belarus'' kebek ilneñ buluın belüe yaxşı, ul äle xätta bu ilneñ qayda yatqanın da beläder. Bälki äle ul kiçä üzeneñ şul il östennän oçqanın da abaylağandır. Minemçä, Belarus''tä bernindi dä terrorçı yuq, barısı da äybät kürenä" dip çäneçkele cawap qaytara prezident Lukaşenka amerikan däwlät sekretareneñ üz xakimiate turındağı belderülärenä. Minskineñ üzendä moñardan da qatıraq süzlär işetelde bu uñaydan. Parlament deputatı Nikolay Çerginets, misal öçen, Rice äytkännärne ildäge xakimiatne bärep töşerügä öndäwgä tiñläde, ä Belarus''neñ däwlät televideniäse anı ğomumän "qara qaplan" dip atadı. Şuşı bäyäläwlärgä Quşma Ştatlarnıñ däwlät sekretare Belarus''ne elegräk "Yevropadağı soñğı diktatura" dip atawı häm atnakiç Vilnüstä Belarus'' oppozitsiäse wäkilläre belän oçraşuı öçen layıq buldı. Bu oçraşu turında Rice üze bolay digän ide:
Audio, Condoleezza Rice
"Oppozitsiä wäkilläre belän bez Belarus''tä demokratik üzgäreşlärgä bulğan ixtiac häm anda bik awır şartlarda şul üzgäreşlärne ğämälgä quyırğa tırışqan keşelärgä bulışu ölkäsendä ni eşläp bulu xaqında söyläştek" digän ide däwlät sekretare Rice. Anıñ Belarus''täge demokratiäne yaqlap süz qatuın uñay bäyäläwçelär dä bar. Minskidäge İctimaği wä iqtisadi tikşerenülär üzäge mödire Oleg Manayev süzlärençä, Condoleezza Rice belderüläre ber oppozitsiäneñ genä tügel, ä Lukaşenka xakimiaten eçtän genä näfrät itkän, ämma däşärgä şürlägän küpçelekneñ dä ruxın kütärä.
Audio, Oleg Manayev
"Bu Belarus'' saylawçılarınıñ bar demokratik öleşe öçen köçle ber belderü bulıp tora. Ul, "bez sezne isebezdä totabız, sezgä räxmätlebez, häm sezne onıtmıyça yaqlarğa äzerbez, bezgä ışana alasız" digänne añlata" di Minskidäge belgeç. Anıñ süzlärenä qarağanda, prezident Lukaşenkağa qarşı toruçılarda yış qına, Könbatış bezne onıttı, bez alarğa kiräkmibez digän xis tua, ä menä Rice belderüläre monıñ alay tugellegen kürsätä ikän. Ämma älegä Belarus''täge oppozitsiä bik tarqaw xäldä qala birä. Anıñ xälen yaxşırtu öçen qorı süzlär genä citmi, alar konkret ğämällär belän dä nığıtılıp barırğa tieş, di ikençe ber belgeç, Minskidäge Strategiä üzägennän Valeri Karbaleviç:
Audio, Valeri Karbaleviç
"Ber belderülär belän genä berni dä üzgärtep bulmıy, alar artınnan ğämälär kilgän oçraqta ğına näticägä ireşü mömkin. Andıy ğämällär Yevropa Berlege, häm bälkem dä Ukraina kebek başqa illär belän bergäläşep eşlänergä tieş" di Karbaleviç. Ul şulay uq, oppozitsiägä yardäm itüne ozaqqa suzarğa yaramıy, çönki Belarus''täge räsmi xakimiat monı üz faydasına, ildä Könbatışqa qarşı käyeflärne arttıru maqsatında qullana başlayaçaq, häm waqıt ütü belän bu tiskäre näticägä kiterä ala dip belderä. Xakimiatkä äle 1994-nçe yılda kilgän Aleksandr Lukaşenka kiläse yılda yänä prezident bulıp saylanırğa cıyına.
Kärim Kamal