Etnik törlelekne beterep "unitar däwlät" bulu çire taralğan illärgä cawap itep Törkiä prezident Abdullah Gül: "Demokratik bulğan ber il üz eçendäge törlelekne ber formağa salıp, alarnı üzençä kontrol itä almıy", dip äytte.
Ul bu çığışın yallardan soñ cıyılğan berençe mäcles utırışın açıp cibärgändä yañğırattı.
"İldäge etnik, milli törlelektän qurıqqan il, modern däwlät däräcäsenä üsä almıy", dide Gül.
Yaña mäcles utırışında PKKnı yaqlağan "Demokratik Cämäğät" partiasenä protest belderü uñayınnan, xärbi başlıq İlker Başbuğ häm başqa xärbi başlıqlar parlamentnıñ yaña açılış cıyınında qatnaşmadı.
Davutoğlu Qarabax mäsäläsen qarıy
Bu atnada Törkiädäge aktual temalarnıñ berse - Ärmänstan kileşüe ide. Törkiäneñ kürşeläre belän mönäsäbätlären yaxşırtu protsessında zur qazanış kertäçäk Ärmänstan belän mönäsäbätlärne yaxşırtu planı qayber taraflarda rizasızlıq tudıra. Älege kileşü belän Azärbaycan rizalaşmıy.
Törkiädä bu planğa qarşı torğannar isä başta Ärmänstan belän Azärbaycan arasında qarşılıq tudırğan Qarabax mäsäläsen xäl itüne şart itep quya. Bu uñaydan Ärmänstan kileşüen imzalar aldınnan, Törkiä tışqı eşlär ministrı Ahmet Davudoğlu Qarabax mäsäläsendä çişeleş tabu öçen diplomatik söyläşülärne canlandırdı.
Davudoğlu, Qarabax mäsäläsen çişü öçen tözelgän Minsk törkemen citäklägän Rusiä tışqı eşlär ministrı Sergey Lavrov belän New Yorkta oçraştı. Lavrov belän fiker alışqan Davudoğlu şulay uq azäri xezmättäşe Elmar Memmedyärov belän dä Minsk törkeme eşläre turında söyläşte.
Kördçä kinoğa däwlät yärdäme
Bu atnanıñ pänceşämbesendä Törkiäne şaqqatırğan tağın ber yañalıq buldı. Anda "däwlät körd kinoların yaqlıy" dielgän xäbär taraldı. Monnan berniçä yıl elek körd telendäge cırlar häm kino yazmaları yäşeren räweştä satılğanda, bu turıda çıqqan xäbärdä mädänyiät häm turizm ministrlığı täwge tapqır ber körd kinosına aqça yärdäme kürsätäçägen açıqladı.
"İke tel - ber buqça" dip atalğan näfis kinonı töşerü öçen däwlät yaqınça 35 meñ dollar aqça yärdäme biräçäk. Kinoda Törkiäneñ könbatışınnan könçığıştağı ber körd awılına kilgän yäş uqıtuçınıñ kürgän mixnätläre sürätlänä. Uqıtuçı belän xalıq arasındağı tel probleması taswirlana.
Älege kinonıñ qarawçılarğa iñ oşağan yağı isä, anıñ turıdan-turı Törkiädäge çınbarlıqnı çağıldıruı.
İMF başlığına başmaqlı protest
Ğıyraqlı jurnalist Äl Zäydineñ elekke AQŞ prezidentı Geaorge Bushqa başmağın çığarıp atuınnan son, protest uñayınnan başmaq çığarıp atu modağa kerde.
Selçuk Özbäk isemle ber törek watandaşı İstanbulnıñ Bilgi universitetındağı konferensia waqıtında Xalıqara aqça fondı başlığı Dominique Strausss-Kahnğa başmağın salıp attı. İMF başlığı başmaqqa hädäf buluda çaq qotıldı.
Başmağın ırğıtqanda Selçuk "İMF" monnan kitsen dip qıçqırdı.
Selçuq waqıyğadan soñ qulğa alındı. Läkin Strauss-Kahn şikayät bildermägän öçen soñınnan irekkä çığarıldı. Kahn waqıyğadan soñ yasağan çığışında, törek uquçıları tärtiple ide, alar protest öçen konferensianeñ betüen kötte, dide.
Cıyın axırında bina aldında ber törkem yäşlär, "Törkiä satlıq tügel, kitegez monnan digän" şiğärlär belän protestnı däwam itte.
Ul bu çığışın yallardan soñ cıyılğan berençe mäcles utırışın açıp cibärgändä yañğırattı.
"İldäge etnik, milli törlelektän qurıqqan il, modern däwlät däräcäsenä üsä almıy", dide Gül.
Yaña mäcles utırışında PKKnı yaqlağan "Demokratik Cämäğät" partiasenä protest belderü uñayınnan, xärbi başlıq İlker Başbuğ häm başqa xärbi başlıqlar parlamentnıñ yaña açılış cıyınında qatnaşmadı.
Davutoğlu Qarabax mäsäläsen qarıy
Bu atnada Törkiädäge aktual temalarnıñ berse - Ärmänstan kileşüe ide. Törkiäneñ kürşeläre belän mönäsäbätlären yaxşırtu protsessında zur qazanış kertäçäk Ärmänstan belän mönäsäbätlärne yaxşırtu planı qayber taraflarda rizasızlıq tudıra. Älege kileşü belän Azärbaycan rizalaşmıy.
Davudoğlu, Qarabax mäsäläsen çişü öçen tözelgän Minsk törkemen citäklägän Rusiä tışqı eşlär ministrı Sergey Lavrov belän New Yorkta oçraştı. Lavrov belän fiker alışqan Davudoğlu şulay uq azäri xezmättäşe Elmar Memmedyärov belän dä Minsk törkeme eşläre turında söyläşte.
Kördçä kinoğa däwlät yärdäme
Bu atnanıñ pänceşämbesendä Törkiäne şaqqatırğan tağın ber yañalıq buldı. Anda "däwlät körd kinoların yaqlıy" dielgän xäbär taraldı. Monnan berniçä yıl elek körd telendäge cırlar häm kino yazmaları yäşeren räweştä satılğanda, bu turıda çıqqan xäbärdä mädänyiät häm turizm ministrlığı täwge tapqır ber körd kinosına aqça yärdäme kürsätäçägen açıqladı.
"İke tel - ber buqça" dip atalğan näfis kinonı töşerü öçen däwlät yaqınça 35 meñ dollar aqça yärdäme biräçäk. Kinoda Törkiäneñ könbatışınnan könçığıştağı ber körd awılına kilgän yäş uqıtuçınıñ kürgän mixnätläre sürätlänä. Uqıtuçı belän xalıq arasındağı tel probleması taswirlana.
Älege kinonıñ qarawçılarğa iñ oşağan yağı isä, anıñ turıdan-turı Törkiädäge çınbarlıqnı çağıldıruı.
İMF başlığına başmaqlı protest
Ğıyraqlı jurnalist Äl Zäydineñ elekke AQŞ prezidentı Geaorge Bushqa başmağın çığarıp atuınnan son, protest uñayınnan başmaq çığarıp atu modağa kerde.
Selçuk Özbäk isemle ber törek watandaşı İstanbulnıñ Bilgi universitetındağı konferensia waqıtında Xalıqara aqça fondı başlığı Dominique Strausss-Kahnğa başmağın salıp attı. İMF başlığı başmaqqa hädäf buluda çaq qotıldı.
Başmağın ırğıtqanda Selçuk "İMF" monnan kitsen dip qıçqırdı.
Selçuq waqıyğadan soñ qulğa alındı. Läkin Strauss-Kahn şikayät bildermägän öçen soñınnan irekkä çığarıldı. Kahn waqıyğadan soñ yasağan çığışında, törek uquçıları tärtiple ide, alar protest öçen konferensianeñ betüen kötte, dide.
Cıyın axırında bina aldında ber törkem yäşlär, "Törkiä satlıq tügel, kitegez monnan digän" şiğärlär belän protestnı däwam itte.
