Дөньякүләм танылган галим, астрофизик Рәшит Сүнәев Япониянең төп фәнни бүләгенә ия булды.
Япониянең Инамори вакыфы тарафыннан булдырылган бу бүләк җәмгыятьне яхшыртуга зур өлеш керткән галимнәр, рәссамнар, режиссерлар һәм фәлсәфәчеләргә бирелә.
Вакыфның рәсми сәхифәсендә әйтелгәнчә, 2011 елның фундаменталь фәннәр өлкәсендәге бүләге Рәшит Сүнәевкә “галәм өйрәнүдә зур уңышлары, атап әйткәндә, флуктуация теориясе” өчен бирелгән.
Алдынгы технология өлкәсендәге бүләк американ галиме Джон Вернер Канга (John Werner Cahn), сәнгать һәм фәлсәфә өлкәсендәге бүләк Япониядәге кабуки артисты Томасабуро Бандога (Tamasaburo Bando) бирелгән.
Рәшит Сүнәев Германиядәге Макс Планк исемендәге астрофизика институты мөдире. Берүк вакытта ул Русия фәннәр академиясенең галәм тикшеренүләре институтында баш фәнни хезмәткәр булыр тора.
Рәшит Сүнәевнең галәмдәге нурланышларны тикшерү хезмәтләре галактикалар төзелешен өйрәнүгә нигез салды, галәмнең ничек итеп тәрәккый итүен аңлауга юл ачты.
Рәшит әфәнде дөньяның берничә академиясенең шәрәфле әгъзасы булып тора, төрле халыкара бүләкләр иясе.
Киото бүләген тапшыру тантанасы 10 ноябрь көнне Киото шәһәрендә үтәчәк. Бүләкнең акчалата күләме 50 миллион йен (625 мең доллар чамасы).
.
Вакыфның рәсми сәхифәсендә әйтелгәнчә, 2011 елның фундаменталь фәннәр өлкәсендәге бүләге Рәшит Сүнәевкә “галәм өйрәнүдә зур уңышлары, атап әйткәндә, флуктуация теориясе” өчен бирелгән.
Алдынгы технология өлкәсендәге бүләк американ галиме Джон Вернер Канга (John Werner Cahn), сәнгать һәм фәлсәфә өлкәсендәге бүләк Япониядәге кабуки артисты Томасабуро Бандога (Tamasaburo Bando) бирелгән.
Рәшит Сүнәев Германиядәге Макс Планк исемендәге астрофизика институты мөдире. Берүк вакытта ул Русия фәннәр академиясенең галәм тикшеренүләре институтында баш фәнни хезмәткәр булыр тора.
Рәшит Сүнәевнең галәмдәге нурланышларны тикшерү хезмәтләре галактикалар төзелешен өйрәнүгә нигез салды, галәмнең ничек итеп тәрәккый итүен аңлауга юл ачты.
Рәшит әфәнде дөньяның берничә академиясенең шәрәфле әгъзасы булып тора, төрле халыкара бүләкләр иясе.
Киото бүләген тапшыру тантанасы 10 ноябрь көнне Киото шәһәрендә үтәчәк. Бүләкнең акчалата күләме 50 миллион йен (625 мең доллар чамасы).
.