Рөстәм Миңнеханов Казанның җимерек хәлдәге биналарын карады

Җомга көнне Татарстан президенты тиздән Универсиаданы кабул итәчәк Казанның җимерек хәлдәге кайбер биналарын карап үз сүзен әйтте. Федераль милектәге тарихи Дворяннар җыены кунакханәсе бинасын Татарстан карамагына күчерү эшләрен озакка сузучы милек идарәсе бүлегенең эшенә дә канәгатьсезлек белдерде Рөстәм Миңнеханов. Заманында Екатерина патшабикә, Александр Пушкин һәм башка күренекле затлар тукталган хәзер җимерек хәлдәге бу бинаны “Ак Барс Банк” тарихи йөзен саклап төзекләндерергә җыена.