Проект кысаларында мәчетләрне өйрәнүне Чистайдагы “Нур” мәчете имам-хатыйбы Мөхәммәт хәзрәт Кыямов җитәкли. Су астында калган мәчетләр темасы аңа аеруча кызыклы. Хәзрәтнең үзенчәлекле хыялы да бар – су төбендә намаз уку. Әлеге проект кысаларында ул акваланг киеп хыялын тормышка ашырырга ниятли. Аның сүзләренчә, бу гамәл су астында калган гыйбадәтханәгә дә хөрмәт күрсәтү булачак.
Су төбендә калган мәчетләр яхшылап өйрәнелмәгән, шуңа күрә алар турында нинди дә булса мәгълүмат белүчеләрне ул Чистай районы мөхтәсибәтенә мөрәҗәгать итәргә чакыра.