"Дөнья буенча курчак театрларына игътибар кимесә дә бездә киресенчә. Гаризалар да бик күп килде. Курчак театрлары хәзер балалар өчен генә түгел олылар өчен дә җитди әсәрләр иҗат итә башлады. Минемчә, курчак театры драма театры белән бер дәрәҗәгә күтәрелергә тели һәм алга таба шулай булачак та", диде ул.
Бикчәнтәев "Нәүрүз" фестиваленең дәрәҗәсе арта баруын да өстәде.
"Элегрәк без катнашучы санының күп булуына игътибар итәргә тырыша идек. Хәзер исә гаризаларны бик җентекләп тикшереп, кызыклы спектакльләрне генә сайлап алабыз", диде ул.
Your browser doesn’t support HTML5
"Нәүрүз" театр фестивале башланды
Төрки халыкларның XI "Нәүрүз" халыкара театр фестивале 3 июньдә сәгать унбердә "Әкият" татар дәүләт курчак театрында "Кәҗә белән сарык" спектакле белән башланды. Кичке алтыда Камал театрында фестивальнең рәсми ачылышы булды.
Фестиваленең рәсми ачылышы алдыннан Камал театры алдында татарча җыр-биюләр тәкъдим ителде. Кичке биш тулганда башланган күңел ачу чараларын "Сорнай" ансамбле ачып җибәрде. Тамашачылар шулай ук композитор Радик Сәлимовның үзенчәлекле музыкасын да тыңлады. Яшь татар җырчылары башкарган татарча җырларны ишетергә күбрәк яшьләр җыелды. Болар белән беррәттән брейк биюләрен дә күрергә мөмкин булды.
Фестивальнең ябылуы 7 июньдә Камал театрында үтәчәк.