31 майдан 1 июньгә каршы төндә Казанда "Йолдызлы велотөн" исеме астында велосипедчылар чарасы үтте. Анда катнашкан ике меңнән артык велосипедчы башкаланың тарихи урыннарын күрү белән бергә, радио аша Казанның танылган шәхесләре белән дә танышты.
Кичке уннарга Казан Кирмәне алдындагы мәйданга җыела башлаган велосипедчылар төн уртасына таба бөтен мәйданны тутырды. Кемдер Кирмән алдына урнаштырылган сәхнәдә башкарылган җырларны һәм чыгышларны тыңласа, күпләр танышлары белән әңгәмә корды, фотога төште һәм стартны көтте.
Чарада Татарстан велосипедчылары гына түгел, күрше республикалардан да катнашучылар булды. Төркия һәм Италия кебек чит илләрдән дә килүчеләр булачак дип әйтелсә дә, алар меңәрләгән велосипедчылар арасында бик аерылып тормады.
Чарага старт төнге 12 тулып киткәч Милли музей яныннан бирелде. Кремль урамын тутырган меңәрләгән санда велосипедчы берьюлы кузгалгач, тыгымнар хасил булды. Күпләр велосипедларын этеп барырга мәҗбүр калды. Катнашучылар иминлеген кайгыртып Казанның кайбер урамнары машина хәрәкәтенә ябылды. Урамнардагы иминлекне полиция хезмәткәрләре кайгыртты. Шулай ук ашыгыч ярдәм күрсәтү машинасы да велосипедчыларны озата барды.
Казанның төрле урамнары аша үтеп, Казанның тарихи биналары һәм тарихи шәхесләре хакында "БИМ-радио" аша мәгълүмат алган велосипедчылар үз сәфәрләрен иртәнге якта "Казан" гаилә үзәге янында тәмамлады.
Чарада Татарстан велосипедчылары гына түгел, күрше республикалардан да катнашучылар булды. Төркия һәм Италия кебек чит илләрдән дә килүчеләр булачак дип әйтелсә дә, алар меңәрләгән велосипедчылар арасында бик аерылып тормады.
Чарага старт төнге 12 тулып киткәч Милли музей яныннан бирелде. Кремль урамын тутырган меңәрләгән санда велосипедчы берьюлы кузгалгач, тыгымнар хасил булды. Күпләр велосипедларын этеп барырга мәҗбүр калды. Катнашучылар иминлеген кайгыртып Казанның кайбер урамнары машина хәрәкәтенә ябылды. Урамнардагы иминлекне полиция хезмәткәрләре кайгыртты. Шулай ук ашыгыч ярдәм күрсәтү машинасы да велосипедчыларны озата барды.
Казанның төрле урамнары аша үтеп, Казанның тарихи биналары һәм тарихи шәхесләре хакында "БИМ-радио" аша мәгълүмат алган велосипедчылар үз сәфәрләрен иртәнге якта "Казан" гаилә үзәге янында тәмамлады.
Казанда төнге велосәфәр