Русия аннексияләгән Кырымдагы Сеитләрдә (Нижнегорски) Кырымтатар Мәҗлесенең әлеге төбәктәге рәисе Мостафа Салман өендә битлекле кешеләр тентү үткәргән.
Бу хакта Фейсбукта журналист Шәүкәт Наматуллаев хәбәр итә. Бу битлекле кешеләр, күршеләре әйтүенчә, корал эзләгән, Салманны һәм аның ике улын район бүлегенә алып киткәннәр, дип яза Наматуллаев.
Социаль челтәрләрдә Сеитләр районындагы мөселманнарның өйләрендә кабат тентүләр турында да хәбәрләр бар.