Хәзер "Яндекс" хезмәте башкорт теленә һәм башкорт теленнән тәрҗемә кылу мөмкинлеген бирә.
Әлегә хезмәт сынау тәртибендә эшли, җитешсезлекләр шактый күп. Уфада моны башкорт теленең катлаулы морфологиясе һәм текстларның җитмәве белән аңлаталар. Тәрҗемәче белән телефоннан да кулланырга мөмкин – аның өчен махсус кушымта күчереп урнаштырасы.
"Яндекс"та татар теленә һәм татар теленнән дә тәрҗемә итәргә мөмкин. Бу хезмәт 2015 елның июнь аеннан бирле гамәлдә. Татарча тәрҗемәдә җитешсезлекләр һаман юк ителмәгән.