Русия Үзәк банкы шагыйрь Габдулла Тукай тууының 130 еллыгына истәлекле тәңкә чыгарачак. Көмештән ясалган тәңкә өч мең данәдә сугылачак,
Акчаның номиналы 2 сум булачак, дип белдерә Үзәк Банкының матбугат хезмәте.
Тәңкәгә шагыйрьнең портреты, авыл, кошлар һәм китаплар сурәтләре төшерелә.
Тәңкәләр "Русиянең күренекле шәхесләре" сериясендә чыгарылачак. Моннан тыш, музыкант Эмиль Гилельсның туган көненә дә истәлекле тәңкә чыгару планлаштырыла. Ә яңартылган биш сумлык тәңкәнең артында Мәскәүдәге Минин һәм Пожарский һәйкәле сурәтләнәчәк. Ул биш миллион данә белән чыгачак.