Казанның 2нче лицей укучылары татарча проектлар тәкъдим итте
Your browser doesn’t support HTML5
26 гыйнвар Казанның 2нче лицей-интернатында татарча проектлар ярминкәсе узды. Чараның оештыручысы, лицейда татар телен укытучы Рашат Якупов сүзләренчә, ел саен ярминкә кысаларында лицей укучылары тарафыннан 20гә якын проект тәкъдим ителә. “Бу проектлар татар теле кулланылыш даирәсен арттыруга, туган телдә яңа контент булдыруга юнәлдерелгән. Укучылар бу чарада актив катнаша. Ярминкә барышында алар лицейга килгән башка мәктәп укытучы һәм укучыларына үзләре уйлап чыгарган проектларны тәкъдим итә”, диде Якупов. Чара 2014 елдан башлап үткәрелә.