Сөләйман хәзрәт югалганга бер ел: сораулар күп, җавап юк

7 февраль Татарстан рухание, “Нурулла” мәчете имамы Сөләйман хәзрәт Зарипов белән Гарәп Әмирлеге шәехе Хуҗа Габде Нәҗим Әлдиннең юкка чыгуына бер ел тула. Туганнары әйтүенчә, Русия президенты Владимир Путинга да, Татарстан президенты Рөстәм Миңнехановка да ярдәм сорап мөрәҗәгать итүләре нәтиҗә бирмәгән. Бу вакыйганы тикшерү эше туктатылган. Азатлык Сөләйман Зариповның туганнары белән күрешеп аралашты.