Уфада тузган йортта ирле-хатынлы инвалидлар чыга алмый яши
Your browser doesn’t support HTML5
Уфаның Коммунистическая урамындагы 63нче йортта яшәүче Татьяна һәм Игорь Ивановлар урамга чыга алмыйча иза чигә, алар үзләрен дүрт дивар эчендә бикләнеп калган кебек хис итә. Ивановлар – икесе дә инвалид. Шикәр авыруыннан азапланган Игорьнең быел аягын кисәләр, ә Татьяна шушы тузган торакта черегән идәндә таеп егылып июнь аенда умыртка баганасын һәм табан сөяген сындырган. Алар икенче катта яши. Текә һәм тар баскычтан төшү үзе бер газап. Шуңа күрә ишегалдына караган тәрәзә генә "дөньяны ача".