Мәскәүдә яңа коронавирустан 79 яшьлек хатын-кыз үлгән. Анда шикәр авыруы һәм йөрәк авырулары булган.
Русиядә коронавирустан үлү очрагы теркәлгән. Үпкә ялкынсынуыннан Мсәкәүнең 2нче санлы йогышлы авырулар хастаханәсендә 79 яшьлек хатын-кыз үлгән. Бу хакта Мәскәүдә коронавируска каршы көрәш штабы хәбәр итте.
Хатын-кыз хастаханәгә 13 мартта китерелгән. 14 марттан ул хосусый клиникада дәваланган, ике көннән йогышлы авырулар хастаханәсенә күчерелгән. Алынган анализлар анда коронавирус булганын күрсәткән.
Үлемгә үпкә ялкынсынуы китергән, хатын-кызда шикәр авыруы һәм йөрәк авырулары булган.
Русиядә 18 март кичендәге рәсми саннарга караганда коронавируслы кешеләр саны 147гә җиткән. 9 кеше савыккан.