Әхмәт авылы халкы агуга каршы чыга

Зәй районының Әхмәт авылы янында "Агросила" холдингының "Зәй" агрофирмасы эретмә корылмасы төзи. Әхмәтләр анда агулы матдәләр сакланачак дип моңа каршы чыга, әмма кешеләр фикерен сораучы юк – бу җир агрофирма җире санала. Авылның артезиан коесына агулы матдәләр эләгү, туфракның агулануы, агу исе җил белән авылга таралу ихтималы – боларның берсе дә җитәкчелекне борчымый. Бу вакыйгадан Татарстанның Умартачылар җәмгыяте дә хәбәрдар, алар да Дәүләт шурасына мөрәҗәгать итәргә җыена. Азатлык хәбәрчесе Әхмәт авылында булып кайтты.