Украинаның дистәләгән шәһәре ракет һөҗүменә дучар булды

Украина башкаласында 10 октябрьдәге шартлаулардан соң машиналар яна. Президент Владимир Зеленский бу шартлаулар нәтиҗәсендә һәлак булганнар һәм яраланганнар бар дип белдерде.

Киевта янучы машина.

10 октябрьдә Русия Иминлек шурасы утырышында Русия президенты Владимир Путин Кырым күперен телгә алмаса да, Украинаны Русия җирләрендә террор гамәлләре кылуда гаепләп, бүгенге һөҗүмнәрне “җавап” дип атады һәм, “террор гамәлләре омтылышлары дәвам итсә, җаваплар кырыс булачак”, дип белдерде.

Соңгы берничә ай Киевта чагыштырмача тыныч булган иде.

Украина президенты идарәсе башлыгының урынбасары Кирил Тимошенко илнең күп кенә шәһәрләре ракет һөҗүменә дучар булуын белдерде һәм кешеләрне имин урыннарга качарга чакырды.

Киевның төрле сивил корылмаларына ракетлар төшеп шартлаган.

Бер ракет шәһәр үзәгендә балалар уйный торган мәйданчыкка төшкән.

Русиянең бүгенге һөҗүменнән яраланган кешеләр.

Ракет шартлаудан яраланган хатын.

Киевта ракет шартлаудан зыян күргән бина.

Яраланган кыз балага медицина ярдәме күрсәтү.

Украина рәсмиләре илнең төрле урыннарында уннан артык кешенең һәлак булуын, дистәләрчә кешенең яралануын белдерә.

Днепр шәһәрендә кимендә өч кеше һәлак булган.

Днепр шәһәрендә ракет төшкән урын.

Илнең көбатышындагы Львов шәһәрендә ракета һөҗүменнән соң кара төтен күтәрелә.