"КамАЗ" генераль директоры Сергей Когогин үз хезмәткәрләренә Apple ширкәте гаджетларын эш өчен куллануны тыю турында фәрман имзалаган. Бу хакта "КамАЗ хәбәрләре" басмасы хәбәр итә.
Фәрманда әйтелгәнчә, Американың Apple ширкәте чыгарган электрон җайланмалар мәгълүматны саклау өлкәсендә ышанычсыз дип табылган.
"Тыю карары Apple смартфоннарына, шулай ук сәгатьләр, планшетлар, ноутбуклар, стационар компьютерлар һәм бу ширкәи чыгарган башка техникага да кагыла", – диелә фәрманда.
Шулай ук, документта әйтелгәнчә, Apple җайланмаларында корпоратив SIM-карталарны куллану да тыела, моннан тыш, "КамАЗ"ның мәгълүмати системнары хупланмаячак Apple гаджетларында эшләмәячәк диелә.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!