Qahirä, Dimäşeq. Süriä prezidentı Başar äl-Äsad üzeneñ qayçan da bulsa, uzğan fivraldä üterelgän Rafiq Xaririgä ülem belän yanawın kire qağa. Mısırda çığa torğan "äl-Osboa" atnalığına ul "bu berqayçan da bulmadı" dip belderde. Ber atna elek Süriäneñ elekke vitse-prezidentı Ğäbdelxälim Xaddam, Xaririne üterügä şäxsän äl-Äsad bäyle, dip äytkän ide. Bügen ul ber fransuz radiosına birgän äñgämäsendä bu ğäyepläwen yänä qabatladı.
