Törkmänstan prezidentı Saparmorat Niyazov qayber yuğarı räsmilärne wazifalarınnan aldı. Alar arasında tönyaqtağı Dasoguz vilayäte başlığı Kakamorat Annagılıcov bar. Niyazov süzlärenä qarağanda vilayät başlığı räşwät alıp torğan häm däwlättän 2 million dollarğa yaqın açqa urlağan, şulay uq anıñ 4 xatını häm 20 maşinası bulğan. Wazifalarınnan şulay uq däwlät balıq totu komitetı başlığı häm awıl xucalığı ministrı alınğan. Törkmänstan prezidentı şulay uq däwlät tülägän pensiälärneñ külämen dä kimetergä färman birde. Niyazov süzlärenä qarağanda, can isäp waqıtında xata yasalğan, häm çınbarlıqta pensionerlar sanı alay yuq yuğarı tügel.
