16 fevral'dä Çallıda «KAMAZ» maşinası çığa başlawğa 30 yıl tuldı. 1976 yılnıñ 16 fevralennän bügenge köngä qädär «KAMAZ» ilgä 1 million 760 meñ yök maşinası birgän. Şunı äytergä kiräk, 1988 yılda 127 meñgä yaqın «KAMAZ» maşinası citeşterelgän. Bu uñaydan Çallıda bik küp yubiley çaralar uzdı. Äytik, pänceşämbedä avtomobil' zavodınıñ töp cıyu konveyerında tantanalı miting uzğan. Şulay uq, «KAMAZ»nıñ elekkege tramvay idäräse zamança tözeleşle häm dizaynlı yaña vagon çığardı – monıñ belän şähärneñ tramvay parkın yañartırğa isäpli. Yubiley aldınnan şähär mäktäplärendä «KAMAZ» turında iñ yaxşı inşağa konkurs uzdırıldı.
Gölnaz Şäyxetdin