Yuq, qurıqmıym, närsäsennän qurqasın inde anıñ. Keçkenä çaqta bez äle anı pıyalalarnı qorımğa buyap qarap ta yöri idek äle. Xäzer olığayğaç qına moña iğtibar itkän yuq. Üzemne ğädättägeçä xis itäm. Zıyanı kürenmi äle.
Qurıqmıym, çönki ul bik yaxşı tabiğät küreneşe. Cir, ay, qoyaş alar bar da bergä bäylängän. Menä şul arada qoyaş külägägä kerä dä şunda qoyaş totıla dip äytälär. Läkin bolay dip äytü döres tügel. Barı tik qoyaşnıñ nurları ğına kilep citmi qayber töbäklärgä.Ul ber dä qurqa torğan närsä tügel, usal keşelärdän qurqırğa kiräk.
Min moña bik zur iğtibar itmim, şunlıqtan qurıqmıym.
Ğomumän, qoyaş totıludan qurıqmıym. Bu barı tik tabiğät küreneşe dip qabul itäm. Älbättä kemneñder qan basımnarı bälki üzgäräder, läkin min mondıy äyberlärgä birelüçän keşe tügel. Niçek bar, şul kileş inde. Beraz hawa torışı ğına naçarraq.
Mondıy xäbärne minem işetkänem bulmadı äle. Läkin bügen şundıy kön bulsa da min qurıqmıym. Çönki keşelär ällä qayçannan belgännär monı häm bernärsä dä bulmağan.
Qoyaş totulı mina berniçek tä tä'sir itmi, ä küreneş bularaq miña bik qızıq. Bik tä qarıysı kilä, läkin bezdä kürener mikän ul, bilgesez.
Gölnaz Şäyxetdin