Rusiä töbäklärendä dä, Tatarstanda da tatar tele säğätläre qısqara. Optimizatsiä belän bäyle. Ägär elek tatar tele atnasına 4 säğät uqıtılsa, xäzer 3 säğätkä qalğan. “Rusiädä töbäkläreneñ belem birü uçrejdenielärendä tatar telen uqıtu” seksiäsendä uqıtuçılar şuña borçılu belderdelär.
Seksiä Qazannıñ Mäskäw rayonındağı 55нче mäktäbendä uzdı. Anda Rusiä töbäklärendäge tatar tele uqıtuçıları häm Qazannıñ yuğarı uqu yortı dotsentları, respublikanıñ mäğärifne üsterü institutı wäkilläre qatnaştı.
Tatarstannan çittä yäşäwçe tatar tele uqıtuçılarınıñ härqaysınıñ üz probleması –beräwläre däreslek yuqqa, ikençeläre säğätlär az buluğa zarlana. Şulay uq ata-analarnıñ balaların tatar sıynıflarına birergä telämäwläre dä borçılu tudıra uqıtuçılarda. Barı Başqortstannıñ Oktäberski şähärendä genä barısı da al-da göl ikän. Andağı tatar tele uqıtu metodik berläşmäse citäkçese Möslim Gaziev üzeneñ çığışında tatar telen uqıtu bik yaxşı bara, barısı da citä, qısrıqlawlar yuq dip söyläde häm barısın da ğäcäpkä qaldırdı. Möslim Gaziev
Bezdä qısrıqlawlar yuq, däresleklär citä. Bilgele Tuymazıda problemalar bar. Läkin bu uqıtuçılarnıñ teşsez buluınnan kilä.
Seksiädä däreslek, elektron materiallar mäs’äläsenä tuqtaldılar. Bilgele bulğança, küptän tügel internetta Tatarstan mäğärif häm fän ministrlığınıñ mäğlümatı portalı buldırıldı. Şunda barlıq çit töbäktäge tatar uqıtuçıları öçen kiräkle bulğan äyberlär quyılaçağı äytelde. Şulay uq uqıtuçılarğa qullanırğa M.Cälil häm G. Tuqay turında SD disklar çığuı assızıqlandı.
Däresleklär küp çıqsa da, alarnıñ barısı da Rusiä töbäklärendä uqıtu öçen qulay tügel ikän. Seksiädä Penzanıñ Kaminkä rayonı Kikkin awılı urta mäktäbe tatar tele uqıtuçısı Ravilya Baqqayıwa
Däresleklär çit töbäklärdäge balalarğa ikänne dä küzdä totıp eşlänsen ide. Tatar milli ğöref-ğadätlär kertelsen.
İnde alda söyläp uzğanımça iñ zur problema dip tatar tele säğätläre qısqartıluı assızıqlandı. Ul'yan şähärendäge İdel aryağı rayonında tatar tele säğätlären qısqartu kiresençä faydağa kitkän. Alar bu problema belän gubernatorğa möräcägat itkännär häm ayırım tatar tele mäktäbe buldıruğa ireşkännär. Bu xaqta Ul'yannıñ 69нчы mäktäbendä tatar telen uqıtuçı Zöhrä Xäbibullina
Ägär elek İdel aryağı rayonında 16 tatar tele uqıtuçısı bulsa, xäzer barı 4 kenä qalğan. Şunıñ nigezendä tatar milli-mädäni moxtäriäte häm tatar oyışmaları qänäğätsezlek belderep, gubernatorğa möräcäğät itkännär. Ul'yanovski ölkäse gubernatorı Sergey Morozov xälgä kerep 64нче mäktäpne tatar tele mäktäbe itü turındağı qararğa qul quyğan.
Zöhrä Xäbibullina yaña mäktäp öçen tatar tele uqıtuçılar citärlek buluın äytte. Xäzer uquçılar cıyu probleması tora dide. Çönki bügenge köndä ata-analar balaların tatar mäktäbenä birergä bik aşıqmıy.
Landış Xarrasova