Yäkşämbe könne Mäskäwdä Kremlneñ mäğlümat çaraların çikläwenä qarşılıq belderep meñ yarımlap keşe uramğa çıqtı. Bäysez NTV televideniä kanalınıñ Gazprom qaramağına küçüenä 5 yıl tuldı.
Qarşılıq çarasında Rusiä bayraqları celferdäde, xalıq qullarına "Kreml, televideniädän al qulıñnı", "Bügen tsenzura, irtägä diktatorlıq", "1nçe kanal, yalğan söyläwdän tuqta" digän şiğärlär totqan ide.
Cıyıluçılar arasında Rusiäneñ tanılğan jurnalistları bar ide, şul sanda, NTV däwlät kontrolendäge Gazprom qaramağana küçkäç, televideniädän kitergä mäcbür bulğan jurnalistlar. Elekke NTV xäbärçese, şulay uq üzeneñ "Kuklı" qurçaq tamaşası belän tanılğan Viktor Şenderoviç üz çığışında, räsmilär, demokratik ildä idärä itä almawların kürsätte, dip belderde. Televideniäneñ däwlät kontrolendä buluı – köçle oppozisiä häm bäysez yustisiä sisteması üseşenä kirtä sala, dide ul. Xäzerge waqıtta Viktor Şenderoviç Azatlıq häm Exo Moskvı radiolarında eşli. Uram cıyını waqıtında Azatlıqnıñ rus redaksiäse xäbärçesenä Şenderoviç, biredä bügen – 5 yıl elek radio häm televideniädän yuqqa çıqqan keşelär cıyıldı, dip söyläde:
"Monda 5 yıl däwamında Rusiä matbuğatında bulğan xällärne çağıldırğan keşelär cıyıldı, efirdan yuqqa çığuçılar. Matbuğat irege yuqqa çıqqan il küpmeder waqıttan soñ bik naçar yäşi başlıy."
Çığış yasawçılar arasında şulay uq 2000nçe yılda ORTdan quılğan tanılğan jurnalist Sergei Dorenko häm noyaber ayınnan birle efirğa çıqmağan Ren-TV xäbärçese Olga Romanova bar ide.
NTVnıñ elekke general direktorı Yevgeny Kisilev, xäzerge citäkçelekneñ mäğlümat çaralarına qaraşı üzgärüenä ömet bik yuq, dide:
"İldä säyäsi wazğiät häm räsmilär üzgärmi torıp, yäki – monsına minem ışanıçım zur tügel, xäzerge citäkçelek uyanıp kitep, säyäsäten üzgärtmi torıp – televideniädä ber ni dä üzgärmiäçäk. Televideniäneñ üzendä dä reformalar kiräk, minemçä xökümät üzenä ber genä kanal qaldırıp, töp kanallarnıñ xissälären satarğa tieş."
2001neñ 14 aprilendä Rusiädäge berdän ber xosusi televideniä kanalı Gazpromğa küçte. Bu ğämäl, kanalnıñ baş şirkäte Media-MOSTnıñ millionlağan dollar burıçın qaplaw sıltawı belän eşlände. Media MOSTnıñ xucası – media magnat Vladimir Gusinsky ide.
Ämma matbuğat iregen yaqlawçılar, alar arasında elekke sovet prezidentı Mixail Gorbaçev, bu adımnı Kremlneñ, üzen häm Çeçnya suğışın täñqitlägän kanalnı üzenä buysındıru dip täñqitläp çıqtı.
Bu üzgäreşlärdän soñ NTVnıñ tawışı tındı. Gazprom şulay uq Media MOSTnıñ başqa milken dä üzenä küçerde, atap äytkändä "Segodnya" gazetın, "İtogi" jurnalın häm "Exo Moskvı" radiosın.
2005nçe yün ayında oligarx Vladimir Potaninnıñ İnterros holding şirkäteneke bulğan köndälek "İzvestia" basması da Gazprom qaramağına küçte.
alsu qormaş
Cıyıluçılar arasında Rusiäneñ tanılğan jurnalistları bar ide, şul sanda, NTV däwlät kontrolendäge Gazprom qaramağana küçkäç, televideniädän kitergä mäcbür bulğan jurnalistlar. Elekke NTV xäbärçese, şulay uq üzeneñ "Kuklı" qurçaq tamaşası belän tanılğan Viktor Şenderoviç üz çığışında, räsmilär, demokratik ildä idärä itä almawların kürsätte, dip belderde. Televideniäneñ däwlät kontrolendä buluı – köçle oppozisiä häm bäysez yustisiä sisteması üseşenä kirtä sala, dide ul. Xäzerge waqıtta Viktor Şenderoviç Azatlıq häm Exo Moskvı radiolarında eşli. Uram cıyını waqıtında Azatlıqnıñ rus redaksiäse xäbärçesenä Şenderoviç, biredä bügen – 5 yıl elek radio häm televideniädän yuqqa çıqqan keşelär cıyıldı, dip söyläde:
"Monda 5 yıl däwamında Rusiä matbuğatında bulğan xällärne çağıldırğan keşelär cıyıldı, efirdan yuqqa çığuçılar. Matbuğat irege yuqqa çıqqan il küpmeder waqıttan soñ bik naçar yäşi başlıy."
Çığış yasawçılar arasında şulay uq 2000nçe yılda ORTdan quılğan tanılğan jurnalist Sergei Dorenko häm noyaber ayınnan birle efirğa çıqmağan Ren-TV xäbärçese Olga Romanova bar ide.
NTVnıñ elekke general direktorı Yevgeny Kisilev, xäzerge citäkçelekneñ mäğlümat çaralarına qaraşı üzgärüenä ömet bik yuq, dide:
"İldä säyäsi wazğiät häm räsmilär üzgärmi torıp, yäki – monsına minem ışanıçım zur tügel, xäzerge citäkçelek uyanıp kitep, säyäsäten üzgärtmi torıp – televideniädä ber ni dä üzgärmiäçäk. Televideniäneñ üzendä dä reformalar kiräk, minemçä xökümät üzenä ber genä kanal qaldırıp, töp kanallarnıñ xissälären satarğa tieş."
2001neñ 14 aprilendä Rusiädäge berdän ber xosusi televideniä kanalı Gazpromğa küçte. Bu ğämäl, kanalnıñ baş şirkäte Media-MOSTnıñ millionlağan dollar burıçın qaplaw sıltawı belän eşlände. Media MOSTnıñ xucası – media magnat Vladimir Gusinsky ide.
Ämma matbuğat iregen yaqlawçılar, alar arasında elekke sovet prezidentı Mixail Gorbaçev, bu adımnı Kremlneñ, üzen häm Çeçnya suğışın täñqitlägän kanalnı üzenä buysındıru dip täñqitläp çıqtı.
Bu üzgäreşlärdän soñ NTVnıñ tawışı tındı. Gazprom şulay uq Media MOSTnıñ başqa milken dä üzenä küçerde, atap äytkändä "Segodnya" gazetın, "İtogi" jurnalın häm "Exo Moskvı" radiosın.
2005nçe yün ayında oligarx Vladimir Potaninnıñ İnterros holding şirkäteneke bulğan köndälek "İzvestia" basması da Gazprom qaramağına küçte.
alsu qormaş