“Azatlıq”nıñ “Açıq mikrofon”ı 6.06.06 sanlı kön bulğaç, Qazan xalqına “Sez ırımnarğa, törle küreneşlärgä bäyle ışanularğa ışanasızmı?” – digän soraw birde. Student yeget älege sorawğa; “Min ul ırımnarğa ışanır idem dä, ägär miña bügen uqıtuçı zaçet quysa. Ul 6 sannarı sektantlarnıqı älbättä, äytkänemçä minem bügenge telägem tormışqa aşsa, ışanırğa bula. Ä bolay min andıy närsälärgä ışanmıym.” – dide. Ä student qıznıñ süzläre başqaça ide, ul;“Işanam, yuldan qara mäçe uzıp kitsä, sul ayaqtan torıp eşlärem kilep çıqmasa. İrtädän eş nindi ruxta başlansa, kiçkä qädär şundıy ruxta bula inde ul. Läkin minem öçen bügen äybät kön ide” – dip cawap qaytardı. Urta yäşlärdäge abzıy ırımğa ışanu elek-elektän kilä di. Uze dä ışana ikän; uñ ayaq belän atlap çığarğa, uñ ayaq belän kerergä, “Bismillanı” äytep yoqıdan torırğa, bolarnıñ barsında ul istä tota bulıp çıqtı. Şulay uq, qara mäçe yulnı arqılı ütsä şırpı sındırırğa, buş çiläk oçrasa eşlär uñışsız barırğa mömkin digän mäğlümlären äytte. Ölkän yäşlärdäge apa bötenläy ırımnarğa ışanmıy ikän, Xoday närsä yazsa şul bula di ul. Awıldan kilep Qazanda tora başlağan abzıy bez birgän sorawğa misallarnı awıldan alıp cawap birde; “Här awılda üzenä ber törle äbilär bula, alar oçrasa yul uñmıy. Ul ışanular üzen raslıy älegä, ni disäñ dä maç kilä bit” – dide.
Urta yäşlärdäge xanım andıy närsälärgä ışanırğa bötenläy yaramıy dip sanıy. “Alarğa ışanıp keşe üz-üzen uñışsızlıqqa ğına etärä, başqalarğa da şul naçar tä'sir tarata”- di. Maşina yörtüçe abzıy ırımnarğa ışana ikän, ğädäti bulmağan küreneşlär bulsa üzençä saqlıq çaraları kürergä tırışa;tökerä, bismillanı uqı ikän. Öç altılı kön aña ğomumän säyer kön bulıp toyılğan; “Hawası da ällä nindi, keşeläre dä maşina astına kerergä toralar” – di. Röstäm İsxaqi
Urta yäşlärdäge xanım andıy närsälärgä ışanırğa bötenläy yaramıy dip sanıy. “Alarğa ışanıp keşe üz-üzen uñışsızlıqqa ğına etärä, başqalarğa da şul naçar tä'sir tarata”- di. Maşina yörtüçe abzıy ırımnarğa ışana ikän, ğädäti bulmağan küreneşlär bulsa üzençä saqlıq çaraları kürergä tırışa;tökerä, bismillanı uqı ikän. Öç altılı kön aña ğomumän säyer kön bulıp toyılğan; “Hawası da ällä nindi, keşeläre dä maşina astına kerergä toralar” – di. Röstäm İsxaqi