23 yün könne Tatar ictimaği üzägeneñ Yunıs Kamaletdinov citäklägän qanatı piket oyıştırdı. İdel-press näşriäte binası yanında berniçä keşe şiğärlär totıp basıp tordı. 23 yündä uzğan piket inde küptännän planlaştırılğan çara ide. Bu Tatar ictimaği üzägeneñ Yunıs Kamaletdinov citäklägään öleşeneñ Zvezda Povolj’ya gäciten yaqlaw buyınça çaralarınıñ däwamı. İsegezgä töşerep ütäbez, älege gäcitne soñğı arada inde berniçä märtäbä mäxkämägä birdelär. Tatmedia agentlığınıñ citäkçese marat Moratov ta, respublikanıñ milli oyışmaları assotsiatsiäse başlığı Caqsıbaev ta. Xäzer menä Veçernyaya Kazan’ gäciteneñ baş möxärrire dä Zvezda Povolj’yada yazılğan qayber mäğlümätlär belän kileşmiçä, üz däğwäların belderä. Şuña da, tatar ictimaği üzäge wäkilläre comğa könne Zvezda Povolj’yanı yaqlap çirattağı piketqa cıyıldı. Bu xaqta azatlıq radiosına Yunıs Kamaletdinov menä närsälär söyläde.
AUDİO
Şulay itep, Yunıs Kamletdinov citäkçelegendäge Tatar ictimaği üzäge Zvezda povoolj’ya gäcitenä teläktäşlek belderep, anı yärdäm aksiäläre ütkärä. Xäyer, yaqın arada Tatar ictimaği üzäkneñ üzenä dä yärdäm kiräk bulırğa mömkin. Yunıs Kamaletdinov däwam itä.
AUDİO
Tatarstan prokuraturası ictimaği üzäkne eşçänlegen niçek bäyälär häm bu tikşerü eşläre närsä belän tämamlanuı turında bez sezgä kiläse tapşırularıbızda söylärbez.
Gölnaz İlgizär