“ Millät, mädäniät, yäşlär matbuğatı” isemle oçraşunı elektron mäğlümat agentlıykları xäbär itkängä “Tatmedia”ğa xayran ğına redaksiälärneñ jurnalistları kilgän. “Yaña ğasır” telekanalı, “Rusiä” telekanalınıñ Qazandağı xäbärçeläre, rus telendä yazuçı jurnalistlar da bulğanğamı oçraşuda başta xalıqqa iñ kiräkle mäğlümatnı birergä tırışqan häm birgän jurnalistlar rus telendä söyländelär. Bu waqıtta tatar telle şul uq yäşlär-yäşüsmerlär auditoriäsenä yunälgän “Yalqın” jurnalı, “Sabantuy” gazetası. Uquçıları törle yäştäge “Watanım Tatarstan”, “Tatarstan yäşläre”, “İntertat.ru” elektron gazetası qäläm iäläre tik kenä tıñlap, kiräkle fikerlärne yazıp, üzläre kiräksez sanağannarın qolaq artınnan ütkärep utırdılar. Oçraşunıñ üzägendä jurnalist, cämäğät eşleklese Rimzil Väliev buldı.
Aña ul citäklägän redaksiäneñ bügengesenä häm kiläçägenä qağılışlı sorawlar birdelär. Ul şulay cämäğät eşleklese bularaq, törtmäle genä uy-fikerläre belän dä urtaqlaştı. Jurnalistlarnıñ kiñäşep söyläşüendä şulay uq qayber matbuğatnıñ iske yuldan baruı, xalıqqa, yäşlärgä qızıqlı, üzläre teläp alırlıq gazeta-jurnallar kiräklegenä basım yasadılar. Sarı matbuğat çäçäk atqan kebek, säyäsi-iqtisadıy, mädäni temalarnı yaqtırtuçı gazeta-jurnallarnıñ xalıq, tatar xalqı tarafınnan yaratıp uqılğan matbuğatqa äyländerügä iğtibar citmäwen dä qäläm iäläre yäşermäde. Monda däwlätkä genä salınıp yatmıyça, jurnalistlar ber qalıpta, ber urında taptanmıyça xäbärlärne, yazmalarnı, gazeta-jurnalnı tämle itep, törle yäştäge keşelär qızığırlıq itep çığaru, “Şäp bit bu!” - dip äyterlek däräcägä üzgärtü citep betmäwe dä söyläşü däwerendä äytelep kitelde. Ürnäk misalda “Watanım Tatarstan”gazetası iskä alındı. Üzeneñ cırçıları, аудіо-SD häm başqa produktsiäse belän yäşlärne-ölkännärne cälep itüçe däwlätneke bulmağan “Bars Media” şirkäte häm anıñ tarafınnan çığuçı “Käyef niçek?” gazetası da çittä qalmadı. Tatar ruxlı rus telendä çığuçı “Molodej' Tatarstana” kebek gazetalarnıñ da üseşkä omtıluları küzgä kürenä başladı di oçraşuğa kilüçelär. Şunnan 4 xakimiät wäkilläre ber-bersenä oçraşunıñ isemenä, temasına qağılğan sorawlar birdelär. Jurnalistlar arasında iñ aktivı Rimzil' Wäli buldı, sorawlarğa ul cawap tabarğa tırıştı. Ä soraw-täkdimnär mondıyraq ide:
- Rusiä töbäkläre arasında ürnäk yäşlär matbuğatı bardır inde. Bulsa, qaysı töbäk?
- Yäşlärneñ üzläreneñ genä matbuğat çarası açırlıq mömkinlekläre bar mikän?!
- Tatar yäşläre öçen yaxşı ğına gazeta-jurnal çığarğan oçraqta da barsına da oşamıy bit äle ul. Törle yäşlärneñ mänfägatläre törleçä.
Tatar milläte, mädäniäte, matbuğatına bik küp itep ozaq itep söyläşergä bula. “Läkin bit söyläşep kenä bulmıy, ä eş-näticä kiräk” - dip äytä, jurnalistlar da xalıqta. Ä näticäneñ nindi buluı üzebezdän tora di jurnalistlar. Tatar telle yäşlär matbuğatına enä kilgändä, “Yalqın” jurnalınıñ jurnalistı Aysılu İmamiewa äytkänçä:
- Tatarlarğa artıq tıynaq bulıp yörülären beterergä kiräk!
Röstäm İsxaqi
